【有營生活】教你避開新年增磅地雷（上）

都市人最忽略自己健康：因為生活太忙、因為覺得工作更重要、因為身不由己的壞習慣...
我們關心讀者的健康，定期邀請專業人士講解貼身的健康問題，提倡都市健康之道，以最方便的方法，獲得最大的健康。

話咁快就到新年了，除了逗利是，筆者最期待就是吃糕點和零食，作為一個又貪吃又要fit的註冊營養師，當然要跟大家一起分享新年keep fit小貼士啦。

今星期先教大家挑選有「營」得禮的賀年禮品！

去拜年當然不能夠只帶「兩梳蕉」，總要買份禮品的，但大家又有甚麼心水呢？買自己愛吃的朱古力？曲奇餅？蛋卷？這些脂肪高糖分高的賀年食品雖然得體，但是不夠「營」！吃多了又容易長胖、又對血糖、血脂水平有不良影響，大家不妨參考下列建議，為親朋好友選購一份有「營」得禮的賀年食品吧！

有「營」得禮：瑤柱麵　VS　又甜又肥：蛋卷

非油炸的瑤柱麵油分低、糖分低，卡路里跟米粉相若，一碗只是大約160-170卡路里，絕對是有「營」送禮佳品；相反，一條鬆脆可口的蛋卷已有105卡路里！可怒也！食兩條就等於食了一碗飯了！蛋卷還暗藏殺機，因為在製作過去中加入大量牛油、植物起酥油，令反式脂肪含量大大提升！反式脂肪不但會降低體內好膽固醇水平，更會提高體內壞膽固醇水平，增加患上心臟病風險！

有「營」得禮：低鹽烘焗果仁　VS　又甜又肥：朱古力糖

一小撮果仁（約一安士）約有160卡路里，當中以低鹽或無鹽烘焗的類別較健康，雖然果仁脂肪含量高，約七至八成的卡路里是來自脂肪，但果仁的脂肪約九成都是對心血管健康有益的不飽和脂肪。而且有研究指出適量進食果仁或有助提升新陳代謝，加快燃燒脂肪，有利keep fit人士。相反，一粒朱古力糖有50-70卡路里，比果仁有較高糖分，而且含較多不利心血管健康的飽和脂肪，識揀就一定揀果仁了！

有「營」得禮：新鮮水果籃　VS　又甜又肥：曲奇餅

新鮮生果含豐富食物纖維、維他命、抗氧化物；曲奇餅則含豐富卡路里、脂肪、糖分，好與壞不用解釋吧? 一個中型生果（如蘋果、梨及橙）大約有80卡路里，而一塊牛油曲奇餅就已經有60卡路里！新鮮生果因為水份多，食一個當小食都飽飽地，但曲奇餅呢？一塊可以嗎？

有「營」得禮：茶葉　VS　又甜又肥：果汁糖

茶葉既零卡又富含抗氧化物，主人家還可即時沖泡讓客人飲用，岩曬大家作消濟之用！反觀果汁糖則是高糖分高卡的垃圾食物(junk food)，毫無營養價值，小朋友食用就怕蛀牙，年輕朋友食用就怕增磅，盛年朋友食用就怕影響血糖，增加患糖尿病風險。

朋友定敵人? 睇下送咩俾你就知啦！

哈哈！祝大家過個開心健康農曆新年！