【有營生活】營養師教路　甜品熱量大比拼　教你邊食邊keep fit

食「營」D之甜品篇

食甜品的人大致可以分為三類：

健康人士，懂得揀「營」啲，或者食完做運動，總之keep fit是一輩子的事；
想keep fit減肥的吃貨，又鍾意食，食完又要唉聲嘆氣要減肥，仲會抱怨其他人沒有阻止「贅」案發生；
明「脂」故食，豁出去，肥？so what？

當然，也有人會同時在這三類別中徘徘徊徊的，今日我想為首兩類人士提供一些意見，至於第三類的人士，我為你們的勇氣鼓掌！身體是屬於你自己的，肥胖絕對不是罪，但總要注意健康吧！

即使你很喜歡吃零食/甜品，每天攝取的熱量也不宜多於200卡路里，需要keep fit減肥的話，更最好限在100卡路里內。

以下是一些較健康﹑不輕易致肥的甜品︰

假若你不能接受「走花奶」的話，建議「花奶另上」。每一湯匙花奶則盛惠20卡路里，又要食又要fit的就自己計一計啦。

另外，食完甜品可以做點運動就最好不過︰可以落街緩步跑，也可在家跳健身舞，每做半小時即回贈你200卡路里！人家刷卡計飛行里數，大家便當做運動賺（卡路）里數吧！

順帶一提，最近消費者委員會與食物安全中心合作，測試市面上10款常見糖水的含糖量，更為每一款糖水到10間不同的食店搜集樣本，如果大家想知道平時光顧的糖水店的糖水有多甜，就要留意測試結果了。（消委會有關文章連結：按此）

下圖是測試中卡路里最高的5款糖水資料概要︰

雖然食店選用的材料、製作過程、分量都會令到每份糖水的營養成分不一，但有誰會想到糖含量的差別居然有4倍之多！

以上提及的多數為中式甜品，而西式甜品普遍較「邪惡」。因為西式甜品如蛋糕、餅撻及酥皮類糕餅大多加入全脂奶、忌廉、牛油等高卡高脂材料，所以這些食物都應該少吃為妙，除了避免墮入增磅陷阱，減少攝取飽和脂肪及反式脂肪更可保護心血管健康。

下圖是5款常見的西式甜品，食一份就攝取了相當於一餐正餐的卡路里，忍唔到口的話，可以考慮跟朋友share，食完再做30-60分鐘運動，就不怕增磅了。

結語:

食甜品，食乜好？啫喱涼粉豆腐花，鮮果蘆薈或蒟蒻，蓮子百合都唔錯，木瓜雪耳夠滋潤，酥皮蛋糕食少啲，少cream少奶會fit啲，同人share fun多啲，食完跑步就最fit！