【3日2夜】陳雅思濟洲行全程包到上頸　興幸不用穿泳衣可以吃宵夜

《3日2夜》由第一輯開始一直大受觀眾歡迎。每每有新一期節目，新面孔都被網民不辭勞苦地cap圖留下珍貴一刻。不過早前無綫高層就發了內部通告要求旗下藝人劇組「減少不必要性感」，此令一出無不聞風色變。而不少網民亦非常擔心養眼場面不再。

今次新一輯《3日2夜》就有不少新面孔，其中之一就是2016年香港小姐季軍陳雅思（Bonnie），她會與潘梓鋒到韓國濟洲。睇到呢度，相信大家會好興奮，因為難得港姐會拍《3日2夜》，更會令人聯想到陳雅思的泳衣或者浸溫泉畫面。不過，好可惜，大家今次可以要失望而回。

陳雅思接受《香港01》訪問，被問到節目中會否以泳衣上陣。她說：「完全冇吖，其實係因為濟洲係凍到，如果真係要浸溫泉係好大件事。所以今次睇我哋節目係會去啲好靚嘅地方，去玩吖，去雪山嘅地方，但係就冇泳衣。其實most of the time（好大部分時間）我係著住雪褸。（包到上頸？）總括嚟講係，哈哈哈。」

但是去其他地方的女生們都有陽光與海灘。上郵輪拍攝《3日2夜》的Judy鄺潔盈、陳詩欣、伍樂怡、鄧以婷都有泳池泡泡派對可以show下身材，更不用說去了帛硫的歐陽巧塋啦。節目出街之後，應該會馬上高下立見。咁點算呢？Bonnie回答說：「我唔覺得係輸蝕。我反而覺得好好彩，佢哋唔使好凍。講真，我呢排都食咗好多嘢，唔使著泳衣反而冇咗個壓力，我係開心嘅。」仲話唔使著泳衣就變相唔使節食減肥，每晚都可以收工之後食宵夜添！