【3日2夜】歐陽巧瑩水着破禁　帛琉享受陽光：着泳衣舒服過著衫

《3日2夜》一直都會是無綫重點旅遊節目，介紹景點之餘，也會有男仕們最期待的泳衣和浸溫泉環節。每次這些畫面出現時都會引起網友瘋狂cap圖。不過各位網民又唔使太過擔心，因為新一輯《3日2夜》中，「該有的」畫面仍然存在，大家仲係可以繼續cap圖㗎！

今輯《3日2夜》除了有陳詩欣、伍樂怡、鄧以婷等新面孔外，更有網友們都十分buy的歐陽巧瑩。今次她會帶大家到帛琉享受陽光與海灘。歐陽巧接受《香港01》訪問時說：「坦白講，其實叫我著泳衣係舒服過著衫。泳衣係舒服過著好多衫。因為我以前係操水嘅人，骨架好闊。如果著泳衣，我成個肌肉線條都出到嚟，會好啲。但係如果著哂衫褲就會變到大隻妹咁。」

歐陽巧瑩就表示，著與不著泳衣其實因人而異。「自己著泳衣就著慣着熟，冇乜所謂。只要出嚟效果係健康就得。其實個人嚟講，我係覺得冇問題。其實我以前著去曬太陽游水都係三點式。（以前著嗰啲好性感？）其實都有分罩杯大同細，因為我喺外國曬太陽，好唔想曬到有印。喺外國我都試過「裸曬」，所以都唔覺得係咩一回事。之前試過喺香港着T-back曬太陽，啲人係會望得好緊要，其實個感覺唔好受。」

【3日2夜】林泳淘被外籍人士索吻：平時我好保守唔係咁㗎！

【多圖．3日2夜】模特兒卓楓而初登TVB 被激讚似Angelababy

歐陽巧瑩更說，經過今次拍攝之後，好想再去帛琉。雖然與未婚夫「木偶哥」林師傑的結婚日期就尚未決定，但是也希望去帛琉度蜜月。