睇《屍殺列車》嚇到要坐男友大髀　馮盈盈：佢就覺得Sweet！

馮盈盈（Crystal）今日（12日）為實境喪屍館擔任開幕嘉賓，她表示場館選址在一個在荃灣荒廢了5年的商場，特別令人覺得害怕。平時看她主持節目或者拍劇，乍看膽大大，其實盈盈笑指自己很怕鬼，自爆試玩實境喪屍館時，嚇到跪地求饒整個背脊濕晒：「我對喪屍啊靈異嘅嘢係特別細膽㗎！」

馮盈盈今日（12日）試玩實境喪屍館，被在場的「喪屍」們嚇到叫聲連連！（葉志明攝）

她透露近年看了一套大家一致好評的韓國喪屍電影《屍殺列車》，她說當時雖然害怕但也硬著頭皮看，誰知看完就出事：「啲喪屍喺架列車度跑來跑去，搞到成個月我唔夠膽喺一條冇人嘅走廊，因為好驚好似套戲嘅場面咁有一大班喪屍跑埋嚟！」

她形容當時看電影時的氣氛也令她怕上加怕：「當時係同男朋友一齊睇，明明已經喺尖沙咀嘅戲院睇，點知入到戲院竟然一個人都冇，得返我哋兩個！本身我哋坐兩個位，我要坐埋佢大髀上面話『唔得啊你攬住我！我真係好驚啊！』我唔夠膽自己坐係側邊！」

跟男朋友攬在一起看電影是不是很sweet？「佢就覺得好sweet！可能旁人睇覺得兩個人疊埋一齊坐會覺得好sweet，但其實我好驚！」

盈盈被梁嘉琪爆料說她試玩時由街頭叫到街尾！（葉志明攝）

盈盈在場多次被喪屍嚇到大叫充滿戲劇效果，會不會想挑戰演鬼片？「對我嚟講一定係好大嘅挑戰！我試玩嘅時候都拍咗少少花絮，我未試過演戲嘅時候咁七情上面咁有表情！如果真係有機會畀我拍嘅話，應該真係會好有真實感，我都願意為咗藝術犧牲豁出去。」

盈盈表示自己拍鬼片應該會充滿真實感，甚至比平時演戲更七情上面。（葉志明攝）