【有營生活】營養師教路　茶餐廳食飯「營」得起：食湯粉麵不飲湯

相信大家都是茶記的常客，你們通常會叫什麼呢？不怕肥又不擔心身體出事的就會隨便叫，但是，想食得健康的話，就要左諗右諗、前諗後諗才勉強選擇到，今日就俾少少貼士大家啦！

以下7款「茶記邪惡肥爆之選」既是熱量過千，又是脂肪爆錶之選，選它們的，要肥無難度：以一般成年人每日建議攝取1500-2000千卡來說，食一餐就已經吃了差不多全日的quota，要減肥keep fit的絲打巴打們就要再食少點！

而當中的豉椒排骨炒麪每碟約有90克脂肪，相當於吞了18茶匙油！大家想像一下飲18茶匙油落肚：感覺如何?

有人會覺得肥點沒問題，但是如果脂肪塞住血管，搞到有血管栓塞、冠心病、心臟病、中風…隨時命都無，問題夠大了吧！

其實茶記都有好多好食又健康的選擇，下列7款「茶記健康Fit啲之選」就是其中一些例子。有人會話：「一碗麵邊夠飽呀！」可以加碟灼菜，飽肚之餘，仲可以清清腸胃！大家對比一下就知道「茶記邪惡肥爆之選」和「茶記健康Fit啲之選」在熱量脂肪、鈉質的分別了。食湯粉麵不連湯飲，可以進一步減少鈉攝取量；食雞去皮則可以大大減少脂肪攝取量！

另外，大家有沒有發現茶記的飯特別多？平時在家明明一碗就夠飽，但茶記碟飯成兩碗多都吃得完？原因有好多，包括「唔想嘥」、「蔬菜少，需要以飯填肚」、「食得太急，個腦sense唔切你已經夠飽，於是唔覺意食多咗」，點解決？可試下「扣底」(減飯)、「叫油菜」、「食慢啲」囉~ 不過我明白大家時間緊迫，要一邊工作一邊吃飯，再加上一邊玩電話，會食得急點，但為健康著想，做到的話盡做吧！

忠告：想在茶記食好點就要記住「唔炒唔炸身體好，去皮去肥為你好，有菜少汁就仲好，扣底慢食係最好！」