【透明奶茶個Friend】日本百事限定版白色可樂　蛋糕味夠聖誕Feel

日本人最鍾意Mix & Match，零食怪味多多，有天堂，有地獄，試過先知伏唔伏。
今個聖誕，日本百事將會賣白色可樂，仲要飲落蛋糕味，應晒呢個白色聖誕節囉。

日本上年都出過咖喱豬扒味可樂，類似亂撈一通的「地獄美食」不在少數。今個聖誕，素來比可口可樂更多口味多花款的百事可樂亦相當應節，推出日本限定版「聖誕可樂」。

雖然日本萬聖節氣氛濃厚過聖誕節好多，但日本人都會慶祝聖誕，「聖誕蛋糕」是主流過節食品，往往是聖誕大餐的甜品。當中有住大量白色忌廉和士多啤梨的傳統模樣蛋糕是最受歡迎。

日本曾於2015年出過柑橘味白色可樂。儘管兩者外觀相似，聖誕可樂口味該是摹倣聖誕蛋糕奶油香同草莓甜，簡單講是「草莓牛奶」，或者會有點似早於2008年推出的乳酪味粉紅百事（Pepsi Pink Cola）。

百事的日本限定版聖誕可樂將於11月21日有得賣，都係140日元，鍾意古靈精怪日系零食同90年代水晶百事懷舊美的朋友記得要買返支，根據往績，一定有得炒。