日本又有「地獄美食」 咖喱豬扒可樂 照燒汁味夾肉香

撰文:黃正軒
出版:更新:

人類已經無法阻止日本飲食界「九唔搭八」的crossover創意,不停推出燒雞味雪糕、清酒味Kit Kat、豬骨湯拉麪味糖之類的怪誕食品,古語有云「鹹魚青菜,各有所愛」,幾騎呢的口味也有捧場客,加上好多人都是抱住獵奇心態試食,「明知山有虎,偏向虎山行」,自然形成一個規模不細的另類市場。嚟緊又有新玩法了,就是咖哩豬扒味可樂。
日本飲品廠Tombow Beverage Co Ltd.模仿石川縣金澤市特產金澤咖哩(金沢カレー)溝埋吉列豬扒肉香和照燒汁形成的濃厚口味,用果糖、葡萄糖、香辛料、食用色素、酸味劑和三仙膠等成分炮製出這款難以想像的可樂,實驗性爆炸。限量10萬樽,現在可於官網以3,900日元1 set廿樽之形式訂購。
有心水清的網民見到咖哩豬扒味可樂的發售日期是4月1日,覺得Tombow趁愚人節惡搞都唔出奇。不過日本早有Namco機舖推出之薯片味可樂、百事推出之櫻花味可樂等「前科」,今次是惡作劇的機會近乎零,不怕「中伏」的朋友不妨買來試下系咪成碟咖哩豬扒飯咁樣樣啦。