【職場心理】大學係老鬼　返工變新仔　4種心態今日起要改變喇！

畢業季又到，大學老鬼們秒變職場新人。想照舊用返學那一套「last minute返工」、「deadline fighter」上班可以嗎？實際上，大學裏「差唔多就得」的 YES 到了職場就變成了大大的NO。本文就來盤點一些職場「唔再得」的學生心態。

大學高高在上的「老鬼」們，問乜都識，是名副其實的「大佬」；一朝畢業，投身職場，卻秒變成「乜都唔識」的職場小弟，唔識入紙，唔識scan嘢，唔識做Excel應該點算？比起呢啲，唔識做個合格的打工仲大鑊！以下幾個建議，絕對是每個初入/準備投身社會的職場初哥必讀。

1.「死線」即是今天  

心態：
老闆：「10分鐘後執好俾我！」
打工仔：「俾多幾日我啦，唔係啩，今日就要交？」

做學生時候，最想知的就是「Paper的deadline係幾時」，如果是下星期，就要跟「死線」抗戰了，如果是今個星期，就更加忍不住要和教授理論一番,。然而返工，每日都會在「死線」上垂死掙扎，已經講明的「死線」 可以隨時變成今天，甚至可以是10分鐘後，今日寫不完今日dead，「陣亡率」 比讀書期間嚴峻十倍。

除了這些講明死期的死線， 還有一些未講明的死線，雖然它們未必是講到明「十分鐘後」的那麼緊張，但聽到「ASAP」、「The Sonner The Better」，你就知道潛台詞是什麼。

因此在「chur到盡」的職場中，懷着「等等再寫」、「等我睇多啲資料先做啦」，這些當學生時心態是完全行不通的。例如，對於做傳媒的打工仔來說，如果抱着完美主義去寫早前的世界盃的話，可能出現才費盡心機寫好一篇「英格蘭」在世界盃中奪冠機率預測，但甚知英格蘭在4強已敗陣的尷尬境地。工作不同與學習，拖延症與完美主義患者可能會「壓力山大」，因為在職場裏做「最正確的事」比「做最完美的事」 更容易得到認可。

2.交完差唔代表已做完

心態：「做嗮手上份嘢啦，無嘢跟喇啩？」

讀書的時候想著「寫完就完」、「考試考的畢到業就得喇」，在職場很難再能運用到。職場沒有畢業，沒有終點，有的只是一個充滿各種可能性的的事業線。做完就完不能讓打工仔畢業，只能讓你做個 「nobody」。若想成為「somebody」，「做完仍未完」的態度才是王道。做完手頭上的工作後，利用剩下時間去發現問題。化「寫功課」的被動為主動，創造機會，才會讓別人注意到你，得到老闆的賞識。

就像清朝著名的「打工仔」和珅，早期侍奉乾隆身側，除了保衛皇帝的本職外，還會用心揣摩老闆乾隆的喜好，乾隆愛讀書，一次背誦《論語》時忘記了下一句，和珅立馬接上下句，也因此受到乾隆的賞識，從此如魚得水，可見職場當中處處留心的重要性。

3.關係行先， 人情最緊要。

心態：「今日我請你食三哥，下次你請我去大快活啦。」

大學期間，同friend一齊，今日我請你吃飯明天你幫我買嘢飲，已見怪不怪， 這也養成了有來有往的習慣。然而在職場當中，並非所有情況下你請對方食餐飯，第二日他就會「幫你買嘢飲」。這時候的「有來無往」不一定需要覺得是同事「欠」了你什麼而去提醒他們還，相反，這一頓飯可以作為你的「人情」，當下次你需要同事幫忙的時候，這一頓飯可能就是幫忙的「代金券」。

同事始終不是朋友，朋友可以在你需要時候幫你，然而同事和你聯繫的，就是這些細微的「人情」。

4. Work Hard 不如 Work Smart

心態：「勤力啲做嘢，OT到好夜一定好過無嘢做喺度同同事吹水？」

學校裏那些學霸們「勤奮學習」，就可以得到Prof讚賞，攞到靚grade，在職場一樣勤力做是不是也可以被上司讚呢？其實勤力這個態度是沒錯的，但是職場從來都不是「一個人的戰鬥」，只顧埋頭苦幹，做出來的成果未必會達到預期效果。所以和同事持續的溝通是有必要的，工作不同學習，是與人溝通而不是與電腦溝通的過程。

連超級英雄都要聯盟，不是英雄的孤家寡人更加唔好keep住孤軍作戰啦！

以上就是剛畢業的學生仔入職時候的可能面對的職場衝擊，調整好心態，從頭開始，職場可能就是你下一個發光發熱的地方！

《香港01》App，教你做個醒目打工仔！
立即下載：
https://hk01.onelink.me/FraY/hk01app