清潔外判削五成人手　三更變兩更　「唔畀放假，連返兩三個月工」

清潔工人職工會發表調查報告，指責食環苛待外判清潔工：公廁扣減近5成人手，口罩等物資不足、管工唔畀放假，有工友更連踩兩、三個月，有冤無路訴，外判公司更恐嚇：「搵勞工處炒硬（你）」，工友說時不禁落淚，出席記者招待會只為：「希望.....（外判公司）對工友好啲。」

灣仔18個公廁　15個減夜更人手

清潔工人職工會於去年9月至今年3月，共訪問315名外判清潔工人，工作地點包括垃圾收集站、公廁、街市或熟食市場。逾半數工友反映過去一年，出現削減人手及增加工作量情況。

根據調查，不同區均出現不同程度的人手不足問題，其中以灣仔區最為嚴重。全區18個公廁中有15個削減夜更人手，減幅近5成，以致早更工友至少延長2小時才收工。另外，中西區、葵青區和深水埗同樣有類似情況，出現三更變兩更，兩更變一更的人手問題，部份公廁清潔工只當值至晚上7時半或9時半。

希望......對工友好啲。我哋日日整到個廁所咁乾淨。

「冇咗夜更差好遠，第二朝（公廁污穢情況）嚇死你。」灣仔鵝頸橋做公廁清潔工的華姐憶述起來，仍一臉嚴惡。華姐返早更（早上7時至下午5時半），每個星期日令她最為頭痛。沒有通宵更清潔工友，狂歡的人們「嘔到滿地都是嘔吐物，（女人）痾尿都痾到牆上」，工作「難搞」，華姐也咬緊牙關做了12年，日守鵝頸橋，抹12格公廁。

有時，最受令人氣不是源自公司，而是街外人的無理，「有個人洗面滿地水，街坊婆婆叫我拖乾地，我說不好意思可能有人整濕。那個人聽到衝出來，指住我鬧：『你唔駛做呀？白逗人工呀？我𠵱家痾屎痾尿（你抹）都得呀！』仲不停講粗口。」受完辱罵，華姐還得硬接投訴。她今年因工作勞損而退休，出席記招只想市民、公司善待清潔工，「希望......對工友好啲。」華姐哽咽道：「我哋日日整到個廁所咁乾淨。」

我們做30日冇假放，一日都冇！

一炒咗邊個請？

趁放飯時間趕開記招　外判公司「搵勞工處炒硬你」

工作量增加卻減人手，工友連「唞唞」的機會也沒有。「我們做30日冇假放，一日都冇！」負責屋邨收垃圾的瓊姐（化名）指曾連續返兩三個月，（外判商）2、3日假都唔畀你放。」根據《僱傭條例》，僱員每七天可享不少於一天休息日，除非僱員自願在休息日工作。另一工友聽罷搖搖手，「（你）搵勞工處就炒硬你。」其他工友亦指若遇到不公欲找勞工處，多會被外判公司嚇「冇工開」。

工人若遇到急事需要請假，靠得住的人或許只有義氣工友，瓊姐無奈指，「你真係想唞，就要自己出錢搵其他工友替，講緊唔係佢休息頂你更，而係佢係日更掃街，收工就頂你夜更倒垃圾，佢都連踩十幾個鐘。」

工友有怨難訴，多不滿只可吞下肚。今天的記招，幾個工友也是利用食飯時間趕來，他們並非怕事，只是無力扭轉現實，「點解堅持？我哋個個60幾(歲)，唔上唔落，生果金又冇，又唔夠後生轉工。一炒咗邊個請？」據工會調查，受訪者約80%受訪者逾60歲，6成為女性，大部份任職超過兩年。

外判制「價低者得」　成剝削工友罪魁禍首

工會幹事胡美蓮指責外判制度是罪魁禍首。政府招標以「價低者得」為標準，7成看價錢，3成看質素，惟近年通脹和最低工資都上升，中標的外叛公司投標價卻「愈追愈低」，慳得就慳，以致未能保障工人福利。如沙田區街道範圍，2013至2015年，外判公司以約9,500萬中標，直到2015至2017年度，另一間外判公司9,300萬投得，較以往減少200萬，這個差價最終轉嫁到工友身上－大減人手、大加工作量。工會認為政府應3成看價錢，7成看質素，而質素不只指清潔服務，亦應包括員工待遇。

同時，工會幹事梁芷茵指工友清潔用具同樣不足，有公司一天只派一個口罩，一個月兩對手套，不少工友要自資購買或直接不戴口罩或手套。