中二生組義工團　出錢出力執拾共享單車、報告損壞：有人話我傻

放學時分，中二生的Thomas還穿著校服，與義工團成員Donald一起在藍田地鐵站外「執好」共享單車——將單車後轆抬起，推至試驗中的「共享單車停泊處」。將一架架Ofo、OBike、HobaBike泊好後，滿頭大汗的Thomas在書包中拿出黃色牛皮膠紙說：「呢卷嘢成30蚊㗎！」他一邊說，一邊和Donald在地上標示停泊處的範圍。他們才貼完一半範圍，膠紙就用完了。死慳死抵的30元一下子化為灰燼，卻認為意義大過天：「如果真係唔夠 ，聽日再買囉。聽日再黐！」
這個義工團目前只有7位成員，竟全都是中二學生。他們不計回報，投放時間整理共享單車。Thomas說：「希望提醒返啲市民自律，去執返好啲單車，就算唔執都泊返好佢，唔好打橫瞓部單車阻住成條街。」 小小年紀，說話一矢中的。

家人反對　招攬成員被拒絕：你唔係啊嘛？

共享單車自去年4月進駐香港，Thomas和Donald一直沒有為意，直至單車被「泊」在城門河裡，在路邊堆積如山，甚至在馬路上阻礙車輛行駛，他們才認識為何「共享單車」。義工團的成員都是巴士迷、交通迷，閒時會相約去不同地區踏單車、影巴士。Thomas說：「期間都會見到啲共享單車周圍泊、周圍擺，或者成個路面擋住咗，搞到啲車危險咁行，所以想檢討呢件事，想為社會做啲嘢。」Thomas在大尾篤一邊踏單車，沿路扶起共享單車；經過擱在岸邊的單車，他盡力拾回路上。他曾招攬同學加入義工團，卻當下被拒絕：「啲人會話，你唔係啊嘛？咁傻嘅？真係有人話我傻。」 最後，他們7位於今年1月成立「香港共享單車義工團」。
 
Donald的家人得知後，認為當義工無助學習，變相浪費時間。Thomas的家人同樣反對：「佢話啲單車污糟，又唔係你嘅，應該係共享單車公司自己管理。」Thomas年紀雖小，卻已有主見，「呢句嘢完全錯誤。因為共享單車係要市民自己睇返啲單車有冇損壞，達至共享。」「共享」理念在社會上討論熱熾，實行理念者卻是這群傻頭傻腦的中學生。「其實，講得衰啲我係講大話，我同佢哋（父母）應承咗係唔再搞，我心裡面冇諗過真係唔再搞呢樣嘢，做得就做。」

自發巡邏、尋覓合適地點作停泊處

截至2016年12月，全港公眾單車泊位共約57700個。根據運輸署的單車資訊中心，九龍東只有位於九龍城街巿75個停泊位。

他們仍是初中生，家人不准夜歸，3時多放學，入黑前5、6時就得回家。他們唯有把握放學後短短兩小時做單車義工。假期時，他們間或四處出動，到大埔、大學、屯門巡邏，排列好倒在地上的單車，報告單車毀壞情況。

他們居於藍田至牛頭角一帶，因而以九龍東作設置停泊處的起點。他們先尋覓一處既不阻礙行人又方便的位置作「共享單車停泊處」，然後將附近阻街的單車移至該處：「以方便市民嘅原則，無咁阻街嘅共享單車都係會擺喺度。如果話真係阻到街嘅，我哋都係會搬去收集站。」

上星期，他們將安達邨附近阻街的單車，移至邨內空地。幾天後，單車被貼上通告，要求盡快移走，他們最後將單車移至附近的巴士總站。這個過程也是一場學習，這令他們考慮到地權的問題，盡量避免在私人地方停泊共享單車。Thomas笑說辨別地權很複雜，目前只靠網上資料推斷地權：「包含嘅範圍有幾大，然後再睇地圖。嚟緊應該都會搵地政。」 

他們目前在藍田鯉安苑外設置停泊處作試點，以膠紙標示範圍，並會張貼告示：「都係泊住先，同埋呢啲我哋都係預咗可以搣返走。就算搣返都唔太驚，雖然（買膠紙的）錢就失去咗少少。」他們希望往後能在各區設更多「共享單車停泊處」。

自資買物資　托車至皮膚敏感、肌肉酸痛

少年人的熱血非同小可，Thomas曾在搬單車後皮膚敏感，為了隱瞞家人，他自行塗點藥膏，穿著「密實」衣服遮掩敏感處。為了整理單車，他們出錢又出力：「抬單車，搞到隻手好痛。」

起初，他們因不能「解鎖」單車，得要抬起單車後轆搬運，手臂酸軟也是等閒事。有次，Thomas一直找不到適合位置安置單車，抬起單車搬運了45分鐘之久。為了減少受傷機會，他們註冊成為其中3家共享單車用戶，往後可以解鎖後轆搬運。這天，他們搬運的單車中，有些仍未能解鎖，Donald笑說：「資金不足。」 

除了租用單車開支，他們設置停泊處的物資皆自行出資。Thomas說，每星期有250元零用錢，平日相當節儉，每餐飯花費不超過20元：「（買30蚊嘅膠紙）真係幾肉痛！下次買幾卷嘅話，嘩！成一百幾蚊喎。」

未來計劃：招募義工、設巡邏車、聯絡單車公司

他們目前已開始聯絡在港經營的共享單車公司，其中Ketch’UP Bike和LocoBike已回覆，願意配合義工團，定期退回租用單車的費用，方便搬運單車。

Thomas說，因學業繁重，留待暑假才有更多閒餘時間推動義工團的工作，計劃未來會設巡邏車，讓義工整理路上的共享單車。少年的計劃也相當細緻周到，打算製作義工委任證，表明身份，避免引來途人誤會：「其實啲人問你，搬架單車去邊？都有間接懷疑你想偷咗啲單車， 或者去扑爛個鎖然後去踩。但係我哋真係心諗，我要扑爛個鎖，就唔會抬起後轆咁搬。」

義工團未來也會招募義工，詳細的準則和面試安排要再作考慮：「有啲技能先會比佢加入義工團，例如跑步。我哋都要求要大力，起碼抬得起後轆，如果唔係唔知可以點推。同埋要識踩單車。面試可能都會畀架單車佢哋踩下。」