【美顏湯水食譜】花膠燉竹絲雞湯滋陰養顏 浸發花膠一啲都唔難！
撰文：鄧穎琪
出版：更新：
農曆新年快到，想趁住團年喝點不一樣的湯水，決定試著燉湯。雖然今個新年天氣似乎回暖，但還是十分乾燥，想滋潤點，容光煥發去拜年的話，一於來碗花膠燉竹絲雞湯。
攝影：鄧穎琪
花膠——說穿了就是魚肚，即曬乾的魚鰾，一般只有體形較大的深海魚魚鰾才夠厚，足以曬成花膠。聽到花膠，許多女士都雙眼發光，想著那膠質和骨膠原，自然想大吃特吃。然而講到要自己動手浸煮花膠，卻讓許多人惆悵不已。坊間有許多浸花膠的「秘技」，各師各法，今次採用的是最入門級的一種，將花膠浸過夜，已明顯見到它發大及變得軟身，之後再以薑、葱氽水，待它回溫就可以開始進入下一步驟。
今次以燉湯取代煲湯，最大的不同當然是前者要隔水，所花時間也較久，卻可保留湯料原汁原味和精華。曾訪問過燉湯專門店「湯譜」的店主Eric，他如此闡釋兩者的分別：「燉湯，你擺幾多水、幾多材料落去，原盅出返嚟，點解要強調原盅呢？因為What goes in, comes out exactly！你擺乜入去就有乜，但煲湯就唔係，好多嘢都揮發晒，啲水可能係成5倍縮到1倍。另外有樣好大分別，一個濁一個清，燉湯永遠都係清，因為燉嗰時啲嘢冇郁動，純粹用熱氣整到成個湯熟。」
整個湯有滋陰養顏，養血補腎的功效，適合體虛，面色萎黃，易感疲倦，皮膚乾燥的人。
按圖了解此湯的食材療效及食用建議：
+2
相關湯水食譜：
【秋冬湯水食譜】番茄豆腐雞湯 轉季補水增強免疫力【健康湯水食譜】雪耳響螺湯滋潤養生美容 美肌保濕減少乾紋【冬菇燜花膠食譜】滋潤養顏 浸煮燜簡易步驟煮出大廚風範花膠種類｜行內人教點揀4招非愈大愈好！花膠4大類分清公乸平一半【辦年貨】三大最抵食花膠 冰島鱈魚鰾潔淨無腥
| 食譜 | 花膠燉竹絲雞湯（燉） |
| 材料 | 花膠4塊、竹絲雞半隻、石斛8粒、蜜棗3粒、酒1茶匙、鹽適量、薑數片、葱少許、滾水5碗 |
| 做法 | 1. 花膠以凍水浸發過夜，其間可放在雪櫃內。 |
| 2. 用薑、葱將花膠氽水10分鐘，蓋上蓋子，待花膠回復至室溫。 | |
| 3. 竹絲雞斬件，除去內臟及洗淨備用。 | |
| 4. 再煲滾一鍋熱水，將竹絲雞氽水。 | |
| 5. 將竹絲雞、石斛、蜜棗及酒等加進燉盅，再倒入滾水至7成滿，蓋上蓋子，以慢火隔水燉3小時。 | |
| 6. 加入花膠後再慢火燉1小時，加鹽調味，即成。 |