【港版多圖】溫碧霞全新寫真12月面世：記錄喺娛圈不為人知嘅秘密

溫碧霞（Irene）今晚盛裝出席慈善籌款晚宴活動。作為大中華區主要慈善機構，「善學慈善基金」不僅幫助了無數的弱視兒童重見光明，更支持超過三百個世界各地的慈善團體。Irene表示：「其實我好細個已經認識趙太（趙曾學韞），我一路都好欣賞佢。佢喺慈善方面做咗好多付出，除咗幫一啲弱視嘅、聽覺有問題同孤兒之外，佢都有幫助老人家，見到佢都好親力親為，所以我身為藝人應該去做多啲呢方面嘅工作，去感染其他人。」

Irene早前出席巴黎時裝Show，順道拍攝寫真集。「今次巴黎天氣好好呀，氣溫20度左右，同埋好好陽光。除咗睇Fashion show，仲順便影埋寫真，可能喺今年嘅12月中出書。呢本寫真係同國內及香港同時間推出，國內版會比較多文字，會記載我心路歷程，同喺娛樂圈人哋唔知嘅事，香港版會比較多圖片，書中我會放細個嘅時候嘅照片，以生活化為主題，但當中都會有性感嘅照片，等啲人多啲了解我內心世界。」