龍婆重出江湖！　羅蘭自爆拍《陰陽路》嚇破膽︰拎定個十字架去

羅蘭今日（26日）出席主題公園萬聖節揭幕禮，每年萬聖節當然少不了羅蘭姐的助陣！今年羅蘭姐化身人工智能版龍婆與麥明詩合作拍攝電視宣傳廣告，雖然已經多次拍攝鬼片，但首次以AI造型拍攝，需要在頭上痴上多個感應器，羅蘭姐都直呼新鮮！麥明詩爆料於拍攝時被羅蘭姐的演技嚇到，羅蘭姐笑道：「試都有試到係咁上下，但正式時就（演得）重少少啦！」

羅蘭姐拍過這麼多恐怖電影，有否曾經在拍攝時被嚇倒？她表示恐懼通常都是來自自己，她自爆在拍攝《陰陽路》時，就因為自己想太多而自己嚇自己！「嗰晚要去和合石嗰度拍，我一聽，『吓？和合石？』咁就自己嚇自己啦，個心驚驚地，因為和合石係墳場嚟㗎嘛，日頭要拍墳場好多時都有㗎啦！但係夜晚好少吖嘛，所以嗰晚就拎定個十字架去。」她笑指當時拍攝場地附近有很多人，根本就不用害怕。