【兒凶專訪】中西鬼后閱鬼無數　羅蘭姐靠一件隨身物定驚

今日正式上映恐怖電影系列《兒凶》第4集《兒凶4：鎖命怨靈》，由現年74歲的資深演員Lin Shaye（林沙燁）繼續飾演戲中主角靈媒Elise，早前《香港01》邀得兩位超級鬼后對談。在上一集專訪中，兩人提到她們各自飾演的角色《兒凶》的Elise及來先《七月十四》的龍婆的來由，今集她們將分享各自認為最驚嚇的鬼片及續談自己的親身撞「鬼」經歷。攝影：陳順禎

一個十字架走天下

身為龍婆的羅蘭姐，上一次她提到某次在和合石與「鬼王」雷宇揚一同拍戲，結果拍攝期間撞「鬼」，「咁我當時真係好驚，咁啊點算呢，今晚去嗰度拍。咁我就話，嗯！唔怕！我係天主教徒，我陀個十字架咁就唔使驚啦！」不過她笑言原來是自己嚇自己，「結果我去到和合石個路，一望！嘩！呢邊全部係公屋， 呢邊就居屋，好多小朋友喺路上玩，咁我心諗，又唔係咁恐怖喎！」羅蘭姐上回提到，她因為拍攝需要而要走到放置骨灰的範圍，「唉！都要有啲禮貌啦！咁我就鞠吓躬，講唔好意思啊，嚟拍嘢騷擾晒啊，點知拍到半夜，我離遠一望，有個人孭住一啲嘢，胸前有好多報紙，一路行嗰陣時呢就噏吓噏吓噏吓，行一陣又唔見咗，半個鐘頭後又見嗰樣嘢噏吓噏吓噏吓咁又行入去，嘩我諗其他人有冇人見到呢，咁我又唔敢出聲，驚出聲就嚇親人。但我嗰次只係見到咁樣，我相信呢個一定係人嚟嘅，因為佢唔係飄吓飄吓。」

林沙燁：有些現象其實可以解釋

但羅蘭姐話未完，旁邊的林沙燁馬上加入「鬼故」話題：「我想，靈魂是會到訪每個城市、每個國家，我認為他們在尋找一個，期望我們會找到他們的地方。我都有試過撞鬼，而那個地方是很多人都去過。」雖然她表示曾經撞鬼，但卻有個人的一套見解：「有些現象其實可以解釋的，我覺得整個地球可以感覺到不同靈魂，包括好的、壞的……坦白說，有時鬼是我們因應自己想法結合一些難理解的現象去描繪出來，如果你認為邪靈鬼神存在，他便會找上你，但若果你放眼更好的未來，那你還有更好的機會讓好的靈魂找上你，甚至帶好運給你的家庭和朋友。」

鬼后唔怕睇鬼片，但係驚。。。。

對於「鬼」，相信大家都會想到鬼片，出道數十年的羅蘭姐，笑言曾經拍過無數鬼片，但仍然會被鬼怪情節嚇親，「我後生時，試過有一次同3個女性朋友去睇戲，咁我話搵一套驚嘅戲睇啦咁。於是我揀咗一套西片叫做《吸血殭屍》去睇，嘩！入到場，好驚啊！因為呢，套戲講個伯爵，日頭好地地，但一到夜晚就有兩隻獠牙出咗嚟，仲攞住個木鎚喺度釘釘釘個人……釘嗰個人，初初係靚女，慢慢變下變下變到皺晒皮，好肉酸，之後慢慢變咗一棚骨，驚到我呢……好緊要好緊要……』」