【特技人】林師傑愛車定歐陽巧瑩多啲？　答案竟然係......

林師傑、歐陽巧瑩這對情侶今日出席《特技人》的宣傳活動，一班演員更落場在室內小型賽車場上比試一番。最終林師傑更憑著技術以一個些毫之差羸了了譚俊彥成為全場冠軍。不過賽後訪問時林師傑就並沒得到愛人歐陽巧瑩的讚許。歐陽巧瑩：「嚇死我，頭先我勁驚。」林師傑：「點解吖？」歐陽巧瑩：「因為我知你係癲佬，你一上架車就會變癲佬。（今日玩小型卡車，唔驚啦。）唔係吖，佢對車嘅熱愛，即係如果車同我，我覺得會係車。」這時候林師傑就反駁就：「係你，一定係你。」歐陽巧瑩：「睇下點啦。」林師傑：「但係緊次囉，不過貼住相差一條毛。」

林師傑在劇中更有不少飛車場面，其中一次更試過被另一架車「T-Bone咁撞埋嚟」。不過說到令他最辛苦的，莫過於是為拍劇而激減30磅。「為咗一場戲要減30磅，因為我一日要食7餐飯，全部都要煮嘅，佢（歐陽巧瑩）又好好每日都幫我煮，因為我嗰時操到淨返110磅左右，拍完戲已經冇力。」歐陽巧瑩：「煮健身餐囉，又唔可以畀油，佢又吟沉啲嘢唔好食。講真啲嘢邊會好食，日日就要聽佢講啲雞柳點唔好食，又好老。」訪問時這對情侶十足歡喜寃家，又一唱一和，場面十分有趣。