【多圖】歐陽巧瑩開店推出自家水着系列　自信爆燈做生招牌

歐陽巧塋 (Tammy) 身材一向索爆，而她亦都好大方咁畀大家欣賞，不時於IG上載性感靚相給大家提下神。昨日Tammy就於ig放了新相，相中的她一身比堅尼look大曬美好身材，並留言表示：「Tam Swimwear Shop Coming Soon~ Striped Bikini Set」，原來Tammy將會推出她的自家水着店，以她的Body絕對是最佳的水着model，大家係咪好期待，好想睇多些Tammy做生招牌的相呢？

Tammy接受電話訪問時表示：「啲相我未影呀，我依家準備出去我朋友傾影product相嘅事。」至於點解會想開泳裝店，她說：「事源係咁嘅，我成日都會出海、去沙灘 游水、拍嘢等，基本上係一年四季都無間斷要著泳衣。咁我又唔中意著死一套泳衣咁悶，同埋工作源故，通常每套泳衣都只係着一次，於是就忽發奇想：不如直接搵廠整啦，所以就開始左呢件事喇。」她已有晒構思表示：「我想係大眾化啲，價錢係同H&M個啲差唔多，甚至再平啲，等大家都可以買多幾套，打卡都正啲。」

Tammy亦會參與泳衣的設計：「設計方面我有比意見，IG相嗰套係照我中意嘅顔色嚟整，因為我係同一個北京朋友一齊做，佢基本上負責曬所有生產同買貨，會喺内地搵廠商，喺世界各地買貨，我只係負責前線啲嘅事同埋影Product。其實我想整個App，不過我同時籌備緊結婚啲嘢，所以進度會比較慢。」

一齊睇住Tammy之前啲靚相先啦。