【翻生武林】林師傑唱《愛是無盡》有感情　背後故事原來有血有肉

林師傑在《翻生武林》宣傳活動上演唱主題曲《愛是無盡》。雖然在台下聽歌隱若聽得有少少聲沙。不過還是在水準之上。台上林師傑在傾情唱歌，台下不論是歌迷也好，觀眾粉絲也好，抑或劇中演員，都專心地欣賞。

活動結束後林師傑接受《香港01》訪問，他說：「其實我今日好緊張，成晚幾乎冇瞓過。因為我尋日喺新加玻宣傳『Big Big Channel正式登陸新加坡』。完左之後我係搭凌晨一時半機趕返香港，5點落機，返到屋企已經6，7點。今日嚟到第一次唱Live，我唔想唱得唔好，因為呢個機會我等咗4年啦！我等咗4年啦，你明唔明吖？所以我知我可以嚟呢個宣傳，我點都要趕過嚟。」

其實林師傑對上一首歌已經是4年前的《愛回家》插曲《木偶歌》，之後便再無新歌推出，所以正當大家都以為《愛是無盡》是另一首平平無奇的劇集主題曲時，對於林師傑來說，卻是一個等了4年的新機會、轉捩點。

談到這次的機會，林師傑表示十分感謝Herman（何哲圖）以及監制的賞識。「我記得年頭要求錄音嗰日，我晏晝係要拍嗌交戲，然後嗰晚要正式錄音嘅時候把聲真係攰攰地。嗰日除咗場嗌交戲，仲拍咗7，8場戲，呢件事真係有血有肉。」

對於林師傑來說，這首歌可算是意義重大。當晚林師傑收到Herman（何哲圖）電話時，更十分感動。林師傑說：「我仲記得我收到首歌嘅時候，我真係喺屋企喊出嚟，好彩老婆喺隔離安慰我。有時機會嚟咗之後走咗，再返反嚟嗰時，你係會特別感恩。其實呢4年嚟好多人問我，點解唔繼續唱歌、唔寫歌、唔拍多啲劇。其實我只係盡力做好手頭上嘅工作，然後等緊一個timing，等緊一個機會。」咁就真係要俾心機加油啦！