【流氓大亨】吳啟華完美示範如何呃女仔上牀 被拒絕後最緊要扮嬲
《流氓大亨》夠經典，其實好多劇放在現今都一直沿用，甚至在現實中也會出現。在《流氓大亨》的第九集裏，就出現了一段花花公子如何哄女子發生進一步行為的情節。不少網民看完後，都驚呼原來呃女仔的手段無論以前抑或現在都是大同小異，究竟系點？
首先，吳啟華先帶周海媚去離島，睇嚇日落行嚇海邊，多麼的浪漫。點解要揀你？答案就係因為「你就係你」，答咗㗎喇？唔好理，最緊要女方受落！然後一啖鍚落去，女方呢個時候話要走喇，吳啟華就話：「留多陣先喇，一陣帶你行一條捷徑，一定趕得切（船）。」最後當然系趕唔到喇，咁點呀？唯有揾間房休息嚇，渡過呢個夜晚喇。
入到間房，吳啟華第一次間就開咗枝酒，司馬昭之心咪就係咁解囉！坐喺張牀攬嚇鍚嚇，準備作出下一步行動嘅時候，周海媚一聲：「唔得㗎！」咁吳啟華當然要盡力說服：「點解唔得啫，你鐘意我，我又鐘意你。」再加多句：「唔系唔可以，系你唔鐘意我啫，算喇。」之後就衝出房門。
【流氓大亨】羅青浩做細佬又俾萬梓良真打 亞視經典劇套套有佢份
【流氓大亨】結局系萬梓良親自寫劇本 Do姐：突然好大聲so what
天真嘅周海媚緊繫衝出去補救喇，都系嗰種我哋仲未結婚，咁樣唔系幾好嘅籍口，之後吳啟華就嚟料：「結婚只系種形式，我想知你到底鍾唔鐘意我，不如我哋就咁算，你講得啱，我哋根本就唔夾。你知唔知點解我哋唔夾？唔系因為我屋企比你有錢，唔系因為我讀書比你多，更加唔系因為我係太子爺你係秘書仔，呢啲問題只要我哋相愛就無問題。最難搞嘅系我哋嘅思想完全唔夾，我覺得只要兩人相愛，再進一步只會令我哋更加堅固，證明對呢段感情有誠意，但你唔系喎，你以為我想侵犯你，以為我想佔你便宜。兩個思想完全唔同嘅人，以為仲點相處幾廿年，我同你好就係因為我想娶你做太太，但我哋思想相差咁遠，以後根本唔會開心，不如而家分手。」
講完硬說就到軟話，一輪對唔住嘅說話，話頭先好傷心，最終好快又哄得周海媚歡心，進一步嘅行動就此而成功進行，呢種情況，巴打系咪好熟口熟面呢？