【流氓大亨】萬梓良失控真打吳啟華　個種真實感真係拍唔到

《流氓大亨》今晚將會播出第20集，仲有10集就會播畢，之後會推出《刑事偵緝檔案》，吸引力就未必有咁大。《流氓大亨》最經典的場面有兩個，其中一個今晚就會出現，所以大家一定要開住電視等睇表演。

講緊嘅就係萬梓良怒打吳啟華一幕，話說吳啟華飾演的鍾偉舜謀殺親父後，在法庭上卻被判無罪釋放，在庭上更加爆出他如何玩弄方學寧（周海媚飾）的感情。在踏出法庭後，作為他失散多年的哥哥，萬梓良終於忍不住，在街上直接拎起個垃圾桶向吳啟華掉過去，繼而衝上前揍他一頓。

剩係睇連環圖都覺得好激！

【流氓大亨】萬梓良認真做戲惹火頭 真打吳啟華搞到要送錶賠罪

【流氓大亨】萬梓良霸氣個性寫血衣投訴TVB 結婚仲有星爺做伴郎

【流氓大亨】徐小鳳經典名曲 《婚紗背後》跟劇情十分相襯

【流氓大亨】Do姐拍劇拍電影都要係一姐 後生出名捱得又專業

根據當年報道，今次萬梓良是真真正正打落吳啟華身上，而吳啟華事前是不知情的，因為大家都以為只是借位輕打，但萬梓良為求迫真竟然真打起上來。事後吳啟華當然嬲到震，搞到萬梓良要送名錶道歉先能平息事件。