黃子華94年《末世財神》棟篤笑又噏中 神預測：靈位都有人炒
撰文：黃梓恒
出版：更新：
近年骨灰龕位缺乏的情況愈來愈嚴峻，雖然政府已經準備又開設新的骨灰龕位，亦開始為私營的骨灰龕位發放牌照。不過新起的未起好，舊來的愈來愈小，靈位十分之緊絀，有些人甚至無良到炒靈位，變成一盤生意。而這個問題在黃子華1994年棟篤笑《末世財神》中早有提及，大家不妨看看他的理論。
「包你話又平又靚又抵住，其實好多報紙都有賣廣告喇，呢個正盤首期只要俾兩成，然後每個月只需要俾二百八十四蚊，供足四年，你就可以喺香港嘅沙田，一個環境清幽，風境寧秀嘅地方，擁有你自己個人嘅物業。呢個物業唔大唔細，啱啱好足夠安放閣下嘅骨灰靈位。」
「你未訂就快啲好訂喇，而家報紙寫住，凡55歲以上之用家有特惠優待，既然寫得用家即係有炒家喇，靈位都有人炒，咁唔怪得患有絕症嘅人生存意志咁強喇。。。不過大家放心，我相信政府好快又會推出大量嘅靈位，大家即管放心去死，死咗就有業主做喇！」
黃子華棟篤笑用自己痛苦將笑聲帶俾大家 無能力同經歷一定做唔到
01:02:45開始