【格雷式情人節】情侶性事增情趣　專家教SM新手玩夾乳頭滴蠟都得

近日上映的《格雷的五十道色戒3》系列電影，在香港掀起一陣SM熱話，情趣用品店Joyful Night老闆楊斯雅（Cindy）指，自2014年開店自今，見盡不少尷尬小情侶結伴來買性玩具，尤其是今日（14日）是一年一度的情人節，行街食飯睇戲之餘，小情侶還會特別為「房事」搞搞新意思，而SM就成了不少香港情侶增添情趣的特別方式。
攝影：梁碧玲

中年Auntie要重口味

Cindy的3家情趣用品店分別設於先達廣場、信和中心及銅鑼坊，3家分店的門口都相當隱閉。「以前好多客都喺網上訂，但近幾年已經多咗好多人自己嚟舖頭睇，有時會有啲怪叔叔嚟『觀摩』下，其實佢會唔會買好明顯，如果佢入嚟周圍行，周圍望，咁即係唔會買，但如果佢係係咁望住一樣嘢就即係佢本身有興趣，有目標；亦有單身女仔嚟搵女性用情趣用品，通常都係『G點棒』之類，咁亦有啲老練嘅中年Auntie嚟搵，我會介紹啲比較粗嘅重口味性用品俾佢，咁呢類客都幾主流。」她指現時香港已有不少人對性虐有興趣，強調這種並非「變態」，而是增添性趣的方法之一，「我舖頭都有唔少年輕小情侶結伴嚟買性玩具，但通常話買嗰個都唔係男仔。」

女友扯衫尾：「喂，買一個啦……哈哈」

Cindy指，有部分香港小情侶，大部分是80後的年輕男女，走入性用品商店時已不感尷尬，更有女生「暗示」男友想玩性虐，「普遍女仔都會笑笑口扯男友衫尾講：『喂，買一個。』然後笑笑口，但個男仔就會話：『下！呢個啊！得唔得㗎！你係咪真係要買！』好似驚女仔唔鍾意咁，然後好多時男女都行出店外，個女仔開始唔耐煩話：『你買啦！買一個啦……』個男仔就會自己行番入舖買。啲男仔好唔識趣啊！我老公都係咁，有時會忍唔住開口提醒個男仔：『你女朋友想試下玩SM啊！』你都知女仔自己話想玩會好尷尬，唔通同男友講『你SM我啦』。」

男人做錯事 自願被SM

已經開店4年的Cindy笑言聽過不少本地情侶的SM經驗分享，「我聽過有個客人嘅個案係個女仔SM個男仔，因為個男仔做錯事，可能係不忠或者之類啦，但個女仔唔捨得分手，但又心心不憤，最後靠SM凌辱佢，絕對係男女自願，男嘅減低罪疚感，女嘅就間接發洩。」

【格雷‧電影維基】師奶情慾幻想變億萬作家　4樣想知的冷感知識

乳頭夾可調校鬆緊

玩性虐遊戲並不代表變態，就如Cindy所言，這是性行為的最佳前戲，用作營造氣氛，但SM應該點樣玩？是否要先試用情趣用品才可以玩？「其實唔一定嘅，唔玩情趣用品都可以好識玩SM。」她指，情趣用品大致分為女性用、男性用、SM（兩性）用及肛交類別，男性用的最常見是飛機杯，女性用的較常見如震動棒、AV棒及G點棒等，「SM其實都是情趣用品一種，被歸類為雙人用類別，初階玩家其實都可以試好多玩具，例如乳夾，即係夾乳頭，仲有眼罩、頸箍、手銬，進階者可以玩埋腳銬，或者頸銬連手銬一齊鎖嘅手銬，可以自己調校位置。」她強調這些都好安全。

搽唇膏都可以催情？

不過，若果仍然怕太重口味，Cindy笑言仍有非常入門系列的情趣用品，「其實最輕手的是一些催情產品，例如玩滴蠟，我呢度賣呢隻，玩法係滴蠟玩法，但滴落身上唔會痛，係按摩油嚟，而且仲可香燻咁用，因為佢有催情用嘅費洛蒙成份，另外仲有一款唇膏亦有係有費洛蒙成份，搽咗會令人好想錫你，我有個客真係咁，佢男朋友本來約去嚟見面想講分手，點知佢搽咗有費洛蒙成份嘅唇膏，佢男友一見佢就狂錫佢，連交都冇嗌就冇事。」原來不止催情，仲可以挽救感情。