【格雷】皮鞭鞭極都唔痛？楊斯雅親解SM玩具啪啪聲零痛楚設計
改編自同名暢銷情色小說的《格雷的五十道色戒》系列，自2015年上映以來，雖然口碑麻麻，但因性虐（SM）題材夠新鮮出位，吸引不少觀眾入場「獵奇」，但SM到底是甚麼？戲中的SM「工具」又是甚麼？電影似乎沒有解釋太多。被傳媒喻為「性女」的楊斯雅（Cindy）笑言：「好多人以為SM係變態，其實依家香港好多人暗啞底玩緊，有時仲好賣過震動棒。」
攝影：梁碧玲
要講SM首先要解釋這個字眼的由來，這兩字的全寫為「sadism」（施虐癖）及「masochism」（受虐癖），SM的中譯為「虐戀」，英文為Sadomasochism，就是sadism和masochism。簡單而言，SM的正確「玩法」就是要有一名受虐者和一名施虐者，在雙方自願之下進行，像《格雷》首集最初的安娜（狄高達莊遜飾）和格雷（占美杜倫飾）一樣。「我覺得《格雷》拍得幾靚，可以提起大家性趣，尤其係SM，呢部戲2015年上映之後，嗰排真係特別多日搵SM嘢。」近年已淡出娛樂圈的Cindy，目前與丈夫Samuel忙著經營自家性商品專門店，「我哋賣比較多情趣用品，SM用品都有，不過比較少。早幾年《格雷》上映之後，有人會嚟特登搵部戲有出現過嘅工具，因為部戲有出過電影主題SM用具，但我冇賣，因為佢都賣gimmick和包裝，其實買一般SM產品都一樣。」
魔術貼手銬一拉就開
在《格雷》出現過不少SM用具，例如手銬、皮鞭、膠紙等等，戲中的安娜在第一集時被格雷SM，用上以上的工具時，表情看來很痛，但Cindy卻指，單看工具用料已經知道，女主角在現場應該不覺得痛，「其實SM係用嚟調情，亦即是前戲，所以所有工具都係特別訂造，好似我訂返嚟賣嘅都係可以安全使用。」Cindy在店內的「SM專區」拿下數盒產品說：「呢類型SM手銬好多都係用魔術貼，自己一拉就解得開，唔使用鑰匙，而且入面仲加咗膠圈，唔會好似警察用會整痛人嗰種；另外，好似戲入面用嘅鞭，雖然打落人身上會啪啪聲，但其實係用綿做，打落身上唔會痛，而一般坊間賣嘅同我賣嘅SM產品全部都係呢種安全設計。」
Cindy指，其實SM作用是營造氣氛，坊間經常以為SM是性行為的「終極大佬」，甚至是「走火入魔」的行為，但原來全都是謬誤，「其實反而好多人唔接受可進入體內嘅性用品如女性用的震動棒，尤其係男性，因為玩法好單向，得女性可以享受，當然我知道作用係令男性興奮，但有啲男性會覺得『咁你用假嘢，我嗰條要嚟做咩？』係男性尊嚴問題囉，反而SM係雙方都可以享受，可能男方將女方縛起嘅時候，自己仲可以做其他動作，例如玩鞭等凌辱動作。
Sex Swing設計解決「土地問題」
相信大家都記得，電影中有一幕相當經典，就是格雷用領帶將安娜縛在床上，「我覺得呢幕拍得好誘人，背景夠靚，呢種環境下玩SM，大部分人都可以接受，甚至會想試。」她笑言戲中場景看來非常「浩瀚」，但香港住所空間有限，就連大床都放不下，更惶論要像戲中的格雷般，將女友吊在天花板上，「戲入面將女仔縛喺床上，好似好大陣仗，但其實我都有賣。呢種索帶其實可以根據屋企你張床闊度去校長短，張4條帶拉去床後面就可以索長索短；仲有傳統SM會有sex swing，即係用條勾喺天花板嘅繩吊起個女仔，其實香港屋企都可以玩，不過我賣呢隻，係縛喺門度，當然只可以負荷一個女仔嘅重量，男仔唔可以用啦。」她指，其實目前市面上出售的SM產品大多設計精巧，「好似乳夾咁，其實都可以好安全使用，因為個夾已經包咗膠，可以自己調校鬆緊度，唔會夾痛個女仔，如果只係求氣氛，想玩得低呢啲，可以揀眼罩，其實SM用同街外賣嘅普通眼罩一樣，但可能係用來搞下氣氛，大部分人都敢用，其餘仲有頸箍、手銬之類，都係基本嘢，全部都好好賣。」