【大學生棺材店拍短片】 81歲老闆看淡生死：人去咗就乜都唔知啦

廖英池，81歲，大發中西殯儀第二任負責人；陳導演，21歲，浸會大學傳理學院三年級學生。看似亳無關連的二人，因為一次拍攝而認識，陳導演租用廖先生的棺材店拍攝了一齣探討生死話題的短片—《長生店》，作品更入團第十一屆鮮浪潮國際短片節本地競賽學生組。今天我們來到位於油麻地的大發，聽聽在這裏發生的往事。
攝影：倫星揚、劇照由受訪者提供

廖先生是順德人，50年代時來港，因為生計而加入殯儀業，當時的負責人是蔣老先生。「當年自己16歲，都有啲抗拒，但搵食艱難都要做。鄉下好唔鍾意呢行，入咗行好耐都唔敢同鄉下講。」入行後，廖先生最先到醫院「搵生意」，看到有親人友人過身，便上前詢問是否需要殯儀服務，聽來是不討好的工作，亦少不免會被指罵。「佢地心情當然唔好啦，經常被人問候老豆老母，都唔會怪佢地嘅。」

廖先生說雖然這是一門「賺死人錢」的行業，但亦需要存在，他回憶很多人第一次經歷親人離世，都十分徬徨：「咩程序都唔知，死亡證又唔知點拎，我咪教佢地點樣租爐（火化爐）點樣搞土葬，做呢行，平時飲茶食飯都唔會搵，有事就周圍摷你。」

最後，女兒選擇了金融行業，對經營了65年的大發後繼無人，會否覺得可惜？廖先生對此看得淡薄：「我都希望佢喺度幫手，但興趣呢家野，佢唔鍾意都無計，你不能夠逼佢，大家面阻阻就無癮啦，上一代老豆老母就得，我地呢代唔得啦，咁高壓會爆煲嫁。」雖然女兒拒絕接手，但亦曾介紹有需要的朋友到大發。

或許看慣生死，廖先生對傳統觀念和儀式都十分豁達。《長生店》片中，長大後的兒子與年老的父親笑說日後的殮葬安排，父親棄用傳統木棺材和土葬，選用環保棺材和海葬，環保又便宜。現實中，廖先生從沒跟女兒討論，更認為一切儀式應交由子女決定，更說土葬也未必是好事，處理不好的話，在泥裏腐臭也不知，倒不如火葬，更乾手淨腳：「佢鍾意點搞就點搞啦，話定都無用，我又唔知佢第日會唔會移民，經濟如何，傾都係盞搞，傾咗只會令佢精神負擔重啲。人去咗就乜都唔知啦，燒都唔知啦。」