【職場人際】同事放料有幾真？　5條問題拆穿office大話精！

「喂~我聽講阿邊個辭職啦喎，係真唔係？」
有人的地方就有政治，處身爾虞我詐辦公室，「風」日日亂吹，「料」時時亂放，信錯人跟錯風隨時死左都唔知咩事。當同事又趁斟水時吹水又吹風，可以如何快速判別同事是「真心話」還是「山埃」？

面對似是而非又對自己有切身利害關係的訊息，有時不是「不聞不問」就可萬事大吉。對於判斷「山埃」與「堅料」，科學家設下了幾道簡單問題，下次聽到風聲，不妨用這5題來測謊。

1. 如果我信，對方會否得到益處？
這是最直接判斷對方是否可信的第一重關卡。如果你選擇相信同事的消息，而接下來的行動又會令對方得益，這個消息的真確性就相當可疑。

例：我收到風上面好快會請到人幫輕你，這陣子要先辛苦你了。
實情：想你繼續一個人做三個人的工作。

2. 如果我不信，對方會否得到益處？
如果你相信消息而對方的境況不會因此而得到任何好處，甚至會因為你相信而利益受損，那這則消息的可靠性就相對較高。

例：公司其實不太好景，有後路好走啦。
實情：你離職無形中令同事/上司工作量加重，說話一方並沒有因你相信說話而得益。

3. 當我發現訊息是「山埃」，會否破壞對方和我的關係？
如果一個消息會破壞一段關係，一般人會傾向顧全關係，念及往後還有相處的機會而選擇不講大話，因此遇上沒有緊密聯繫的同事放風時需加倍小心，因為他/她如果有心「跣你」的話，他/她要付出的關係成本會相對較低。

例：一個想與你建立長久合作的sale講大話的機率會較低，因為他並非想做一次生意而無回頭；一個街邊問你借錢聲稱會還的陌生人講大話的機率就會很高，因為他和你沒有任何關係的顧慮。

4. 對方是否富有？
「仗義每多屠狗輩，負心皆是讀書人」如果放風一方是職位較高，收入較高的人士，其真確性需要打折，因為愈有錢的人愈傾向講大話，為自己的利益籌謀。

5. 對方能否再解答你更深入的疑問？
「你個仔而家係我手上，即刻過十萬嚟就放你個仔」
「吓你又知果嗰係我個仔？我個仔有冇帶眼鏡？我個仔長頭髮定短頭髮？有無染髮？」

同事再friend都要保持3分警覺，如果同事無法解答到你更深入的問題，他/她的大話很快就會不攻自破。

（資料來源：Inc）