【職場心理】唔好做Yes Man　識Say No先襟撈！　過晒4關先好幫人

「佢出到聲，唔通我唔幫咩？」
在office生存，同事間或多或少「坐埋一條船」，理應發揮「獅子山精神」同舟共濟、投桃報李。但假如你是一個不懂say no的人，面對同事的要求總是弱弱地總說不出一句「今舖我真係幫你唔到」，那你就要快快學習停止做一個people pleaser，以免經常「硬食」做埋人地果份。下次有同事出口術叫你幫忙之前，先思考以下4點，4點都明晒、過晒關，才好出手幫人。

第1步：搞清楚自己有選擇權

一個職場yes man，多多少少源於心裏的不安和自卑感，可能有感自己能力未必坐得穩，或擔心一個「no」字出口會損害同事感情，因此面對同事的萬般要求都要「拍心口搞掂」。慣了say yes的朋友，必需首先搞清自己是有選擇權的，幫與不幫，完全是自己的個人抉擇，不應過份瞻前顧後，因過慮人情世故而常常陷自己於「泥菩薩過江」的境地。

第2步：分析自己境況

明白了自己的選擇權，就要分析自己當下的工作境況：此刻最重要做的是什麼？最急的是什麼？有幾多貨急着要交？在say yes前，先評估自己是否有足夠能力和時間伸出援手。

第3步：評估對方的工作難度

當遇到同事開口幫忙，你未必需要馬上答應，你可以答「等我考慮下先」，然後思考以下問題：幫這個忙要花幾多工夫、幾多時間？會否為自己帶來很大壓力？我是否有足夠能力幫得上忙？

第4步：設定時間死線

過晒以上3關，到你真的決定要「兩肋插刀」之際，也千萬不要無了期、以「送佛送到西」的模式幫手，因為一項工作有時未必容易有clear cut的位置，所以幫人前，必需在心裏設定死線，如要在X點前完成，如未能完成也要迫自己「禮貌離場」。切忌上演最笨的幫人模式——為救同事而延遲自己的工作，因為上司未必會體諒你這個理由，甚至可能會覺得你未盡本份而有「多事」之嫌。

下次面對同事的「唔該你」和「拍硬檔」，記得要過晒以上4關才好幫忙，做個有愛又幫得有智慧的好同事！

（資料來源：psychcentra）