【職場．同事】打破黑口黑面　每日一句早晨日後留一手

「個個都黑面，唔通個個都想黑面咩？」
的確，每個辦公室都有「黑面神」，而「黑面神」可能喊冤：「我只是無表情，哪有『黑面』？」但如果office個個都「無表情」，各有各做又將彼此視而不見，那這樣的辦公室就很容易被負面情緒充斥，令彼此關係不和諧。

工時愈拉愈長，上班見同事的時間早已超過與家人相處的時光，一日到黑流流長互相黑面，返工又有何樂趣呢？想與同事關係親近一點，氣氛緩和一點，不必搞「大龍鳳」請食飯，簡單一句「早晨」已能每朝令辦公室温度回升到「人性化」的境地。以下就是「講早晨」的5大好處，對同事保持友好善意，到頭來得益的始終是自己。

1. 顯示基本禮貌

做任何事都將自己立於不敗之地準沒錯，正所謂「人地X，你又跟人X咩」，同事黑口黑面絕非辦公室待人的正確示範，相反，不知對方底細（人地有後台又話你聽咩？），而你又以「同事好無愛」而不打招呼，就只會令office温度直插「冰點」。講一句「早晨」，做好自己基本禮貌先，對家「唔應機」，無禮貌的就是對方而不是你。

要做個醒目打工仔，記得睇多幾條「職場處境題」啦！ ​（按此進入）

2. 同事也是人

同事又好，老細也好，終究也是個普通人，對人有情感的基本需要。日日對足十幾個鐘，機器都要抖，人亦期望獲得別人關注和理解。每朝講句早晨，可能隔離位早走阿姐就會慢慢和你講講家事，原來早走是為了接小朋友放學，同事間理解便可多一點，將來自己有事需要同事幫忙「補補位」，也不會完全尷尷尬尬無從入手。

3. 更平等的工作空間

講早晨也要講策略，如果你只同老細講早晨，對其他人則視而不見，那你的「早晨策略」好大機會以失敗告終，可能老細因而對你留下點點印象，但你背後的箭——「擦鞋仔」、「白鴿眼」、「世界仔」已足以令你在公司舉步為艱。因此，不論是茶水姐姐、intern，還是老細，早晨還是應該逢人就講，這樣才能締造更平等的工作空間。

4. 最快捷 + 0 成本

講句早晨，不花錢又不肉痛，何樂而不為？

5. 減少「好awk」場面

有時候工作要與不同部門同事合作，如果事前完全「河水不犯井水」，從來沒有互動過，到真正做事時難免有「陌生」、「未暖場」的狀態，不利工作，但假如你向來逢人講早晨，到將來有跨部門工作，你合作得比別人順暢，效率更高，那便成了你的優勢。

(資料來源：Business Insider)