【米芝蓮】死亡之吻？增煇藝廚老闆：業主暗示加租　最壞打算搬舖

獲得米芝蓮「星級」或推介的餐廳，可謂有人歡喜有人愁，有個說法是形容收到「死亡之吻」，因為這彷彿是業主瘋狂加租的「理由」。小店不關門大吉，也可能要搬舖。
去年首次得到「米芝蓮車胎人美食推介」的深水埗食店「增煇藝廚」，負責人康寶明表示，得到米芝蓮垂青亦未想得太多，忘卻了將於今年內洽談新租約，開心過後收到業主電話，對方暗示「今年個價非同往日」而感到煩惱，他估計加幅較往時高20%，較以前的加幅高10個百分點。
問到如何可過渡此「難關」時，他說：「兵來將擋，拎多次（米芝蓮）我圍到條數嗎？我keep到個人流，加就可以高興做落去；如果突然無咗佢（米芝蓮推介），加就同佢講我無咗啦喎！到時同佢傾呢樣嘢！」

深水埗近年開設多間粵式菜館，門庭若市，間接影響部分店舖相繼加租，剛於去年首次得到「米芝蓮車胎人美食推介」增煇藝廚，現時月租已升至約20萬元，其負責人康寶明表示，今年2月業主已多次主動接觸，明言來年租金將會大躍升，他說：「總之佢（業主）畀我感覺唔同，但意思係『唔似往年咁架喇』嘅意思！」每兩年洽談一次的租約，每次升幅約為10%或以下，預計將升至20%，正研究對策。

獲米芝蓮推介而要付出加租代價　是否公平？

康寶明又說，現時店舖的業主為一間較大型的發展商，跟部分只為私人擁有的舖位情況有別，人情味較少，但他表示理解，但單單因為獲得推介而要付出此代價，是否公平？「你睇領展嘅做法，租戶無可奈何嘅！我想法無咁負面，明白喺商業社會，仲係叫合理，我係業主都咁做，但公平就見仁見智啦。」

不排除搬遷

對於有何對策，康寶明坦言現時只能見步行步，但認為若然能夠加把勁，再下一城二度得到「車胎人推介」，將有正面幫助，可保持自己於區內的生存價值，「拎多次(米芝蓮) 即代表我保持人流，加舖租都可以高興做落去，如果失去咗，就同業主傾清楚問題。」又指因人客有所增加，人工及職員人手已有所增加，故認為已到上限，最壞打算是遷店到元朗或大埔一帶。

問到他會否因此遷離深水埗區時，他表示自己已在原址經營10年，到其他地方再度開店，將要花上數百萬元的裝修費用，加上將會失去原有的客路，代價很大，又說：「業主都會諗到呢樣嘢，拎嚟同你傾。」

針始終不會兩頭「利」，作為經營者，當然希望餐廳出品得到肯定，但帶來的亦為另一種代價，除加租外，客人要求會上升，員工的工作量上升，時有怨言亦難以避免，「所以米芝蓮叫死亡之吻，無嘅就好想要，業主知道你拎獎，就知你個場『好爆』，所以好難取捨。自己街市出身嘅，賣貨我就夠膽講，煮嘅出品就要靠師傅，做人好貪心嘅，只希望保持到就最好。」