【世界盃】視障人士落區睇波全靠即場口述：終於可同步歡呼！

周日晚，世界盃上映英格蘭對巴拿馬的戲碼，當晚美孚天橋底上映了一場社區直播，同步為英格蘭連入六球的球迷，包括17名視障人士。
你可能會問，視障人士要如何「睇波」？這天球評員馮堅城與邢安邦，肩負為視障朋友口述球賽的重任，為賽事聲音導航，視障人士帶上口述影像的耳機，邊聽邊看，與現場街坊同步為入球歡呼，讓他們與足球世界，再接近多一點。
攝影：歐嘉樂

由地區組織舉辦、香港01全力支持、以及ViuTV作為大會指定電視台的「全民世界盃　區區有波睇」免費睇波活動，周日於美孚天橋底舉行，17位來自香港失明人協進會的視障朋友到來與街坊同場睇波。視障者有來自港島也有元朗來的，為的是與所有人現場看一場直播球賽：「如果大家想舒舒服服，咪留係屋企開冷氣睇波。大家咁踴躍出嚟睇波，都係因為有呢種服務（口述影像）。」其中一位視障朋友說。

晚上7時半左右，視障人士在義工的帶領到場。開波前，大家忙著分發口述影像耳機，每人一部掛在耳上，準備收聽8時正開波後，英格蘭對巴拿馬的賽事評述。

聽波一分鐘延誤已是阻礙

視障人士一直都可以睇波，靠的是球賽的聲音評述。電視直播始終以畫面為主、評述為次，視障人士無法透過畫面捕捉球賽過程，若評述無法詳細講解，視障影迷便會感到迷惑。雖然有些賽事會有電台直播，但若以手機應用程式收聽，信號傳送難免有延遲，接收延誤也是令視障人士無法同步享受球賽的原因之一。

雖然困難重重，但足球魅力難檔，視障人士之中亦不乏忠實球迷。吳國賓先天失明，從小「聽波」到大，記球員名字的能力甚至比一般人強，這天他第一次透過現場口述影像，了解電視直播球賽：「今次我知道過程係點，每一個入球我知點樣入。最初睇世界盃，電視的評述員真係掛住傾計，入咗都唔知點入。」

電台接收延誤　無法與球賽同步

雖然有些賽事在電台的手機應用程式上直播，但聽眾接收或會有時差，而接收延誤也是令視障人士無法同步享受球賽的原因之一。

視障朋友陳志剛一手拿著薯片、一手拿著啤酒，十分投入足球比賽。「如果冇口述影像我哋都OK，不過我哋要聽到人哋嗌先嗌，同埋唔知係咪嗌得啱入球。」一分鐘的延誤時間已成為他們進入足球世界的阻礙。帶上了口述影像的耳機，話語填補了畫面的空白。這晚英格蘭進了六球，每個入球他們與市民同步歡呼，球員犯規時一同「噓爆」，那一分鐘的距離再不存在。「有咗口述影像就更加清楚波點樣射、點樣入，過程好清楚，感受整個足球比賽同一般人一樣。」他臉上充滿笑容地道。

夏天晚上的美孚天橋底有點悶熱，加上下著滂沱大雨更顯焗促。志剛拿著電動風扇卻仍笑咧咧地看比賽。「雖然有啲熱，不過就算今日係冬天，我諗大家咁熱情，都一樣會流汗！」他心滿意足地說。

視障人士：同一般人一起感受球賽

視障朋友陳志剛一手拿著薯片、一手拿著啤酒，全場看得十分投入。「如果冇口述影像我哋都OK，不過我哋要聽到人哋嗌先嗌，同埋唔知係咪嗌得啱入球。」一分鐘的延誤時間已成為他們進入足球世界的阻礙。帶上了口述影像的耳機，話語填補了畫面的空白。

這晚英格蘭共入六球，每個入球他們與市民同步歡呼，球員犯規時一同「噓爆」，那一分鐘的距離再不存在。「有咗口述影像就更加清楚波點樣射、點樣入，過程好清楚，感受整個足球比賽同一般人一樣。」他臉上充滿笑容地道。

夏天晚上的美孚天橋底有點悶熱，加上下著滂沱大雨更顯焗促。志剛拿著電動風扇卻仍笑咧咧地看比賽：「雖然有啲熱，不過就算今日係冬天，我諗大家咁熱情，都一樣會流汗！」。

肉緊語氣添氣氛　馮堅成：要學釋放自己

兩位應邀為視障朋友當上球賽評述員的，分別是資深體育記者及主播馮堅成及足球評述員邢安邦，他們坐在視障人士的後方，透過咪高峰向視障人士傳達球賽評述。電影的口述影像可以事前準備，但球賽的即場口述，全靠評述員的臨場反應。他們都是首次為視障人士口述球賽，相比平常的評述，他們都知道需要更多畫面的描述，因此整場球賽不時都會聽到他們說一些與位置、方向有關的內容：「有球員係中圈線，用右腳斬去進攻的三閘位！」、「喺左下方有個罰球」、「喺中圈線附近拎咗黃牌」等等。

馮堅成指，為了避免令視障人士感到冷場，他們要儘量「追貼」皮球與球員的走向：「有球員喺中圈線左定右、個波喺地波去定高波去？這些都要講得好清楚畀視障朋友聽到。你試吓瞇埋眼，」馮堅成合起雙眼，模擬視障朋友雙眼看不到的情況，然後繼續說，「個波係邊個球員頂？視障人士都會有個概念。」 　

邢安邦：在家睇波會心中描述畫面

球評那些肉緊的語氣，亦可以為視障人士增添觀賽的氣氛，馮堅成從事多年體育記者及主播，體育知識難不到他，不過他自言做新聞做得久了，評述都離不開慣常的嚴肅語氣，笑言講波的同時，都在學習釋放自己：「啱啱講咗波唔係好耐，儘量唔想咁死板，新聞就嚴肅，佢地話我講得踏實啲，唔係好調皮。」在今次「睇波」前夕，兩位評述員曾到會內與視障人士交流意見，望在講波時能滿足他們的需求，馮堅成說，事前曾擔心會否有敏感用字要避免，但視障人士反而不想他們在講波時避忌太多：「佢哋同我講，會可以放啲，你講乜都得，同講電視一樣。」

足球評述員邢安邦有多年在電視評述足球的經驗，電視有畫面，不用為觀眾描述太多細節，他坦言這次對他來說也是一個挑戰：「平時講波跟畫面，未必100%講足場上發生的事，今次希望做到100%。」他又補充：「儘量提醒自己多啲描述個畫面、準確啲，提醒自己要講吓球員表情係點樣，跌落地有幾痛、面部表情係點、緊唔緊張，希望佢哋聽得貼近一場比賽。」於是為了是次評述，他也多做了準備：「呢排自己喺屋企睇波，心入面都會將球賽描繪得多少少出嚟。」邢安邦滿有信心地說。

望口述影像廣泛應用到不同藝術

視障朋友志剛有一個心願，希望口述影像服務能被應用到不同地方，讓他們打破環境限制，體會到更多欣賞體育比賽的樂趣。惟志剛深明口述影像無法白白得來，需要資源支持：「口述影像係一個服務，而服務需要資源，如果政府可以放資源喺唔同藝術方面，現場有口述影像就最好。」