【酷熱街市．圖輯】邊種風扇夠凍又保濕？　豬肉佬有好介紹！

「你幫我爭取到有冷氣，我就接受你訪問。如果唔係，你唔好問我，你問啲雞。」大圍街市一個活雞檔老闆娘絕情回應，記者無奈敗走。2014年食環署徵詢大圍街市170檔檔主安裝冷氣的意願，有86%的租戶表示支持，可惜至今仍未動工。大圍街市冇冷氣，通風差，室温34度，比其他通風較好的街市如九龍城市政大廈，高出兩度，檔主躁底理所當然，「啲雞都唔知暈咗幾多隻。」然而，政府規管的街市，租戶不能夠私自安裝冷氣，唯有以風扇吊命。因此，在冇冷氣街市逛一圈，不同檔口都各施技法，哪種風扇最好，風扇如何置放能吹出最涼的風，檔主們絕對是最具心得的用家！

瀝源街市　生果檔檔主：牛角扇直吹最涼，吊扇沒用

瀝源街市自75年啟用，現由領展管理。單層舊式街市，檔口密密麻麻，難以通風，檔口對檔口的設計，檔主不能夠安裝冷氣。管理公司便於樓頂為每檔安裝一把吊扇。生果檔檔主說：「唉，領展畀嗰啲轉嚟轉去嗰啲吊扇冇用㗎！」不論夏冬，生果檔老闆每天堅持長袖恤衫西褲上陣，汗把白色襯衣薰成一圈圈渲染般的霉黃。西裝骨骨的生果佬早已聞名於市，每天靠一把牛角扇度日，「牛角扇最涼，直吹好過轉吓轉吓。」他說。「呢度太多蚊啊，咬到成身都係，熱都要著長袖衫。」每天最辛苦的時段不是凌晨三時要到果欄取貨，他說外面多熱也好，都較街市通風，「最辛苦係收檔，要收兩粒鐘。」只見恤衫上的汗跡如一個個泥沼。「我以前70年代以前，住寮屋都冇𠵱家咁熱，我記得以前7月我仲可以著長袖衫。」他說不熱的夏天，我未曾經歷。只見街市提供的街市封上厚厚的塵，無力轉動，檔主臉上黏滿紙巾碎。

九龍城街市　豬肉檔檔主：水霧風扇夠凍又保濕

九龍城街市地方寬敞，不少肉檔檔主都置放了一部大型的通風機。一檔豬肉檔老闆娘笑言：「最初我老公買返嚟，我鬧鬼佢，原來咁涼。你睇吓，我個身爽㗎。」她一臉自豪。天熱，肉質易變，但風扇卻會把肉吹乾吹黑，因此很多檔主有風扇卻不開動。有些檔主則對風扇很有研究，如小田田鮮肉檔檔主田先生，推介水霧座地式風扇，「佢有水噴出嚟，夠凍又保濕，唔怕吹乾。」他指指高櫃上被打入冷宮的牛角扇，「牛角扇用咗兩個月就冇用，吹到啲肉乾晒。呢把水霧風扇，我都係請教『百度』，淘寶貨，3000蚊，已經用緊第3把。」只是，風扇吹肉不吹人，「肉賣到錢，人賣唔到啊！」

大圍街市　牛肉檔檔主：低炒比直吹更涼

牛肉檔阿姨把座枱風扇倒掛起來，奇在吹向斬肉的木桌，不吹自己也不吹肉，原來風吹向枱剛好反彈至客人的臉，低炒比直吹更涼，又沒有直吹硬食風之感。