【多圖】太極紅館騷盡顯鐵漢柔情　鼓手Ricky隔空多謝戴夢夢？

殿堂級樂隊太極一連兩場《太極交響狂熱》演唱會，昨晚於紅館圓滿結束，他們亦是香港首支樂隊與和60人的交響樂團聯手開騷。《紅色跑車》、《Crystal》、《全人類高歌》、《一切為何》及《留住我吧》等等金曲重新編曲後，在龐大的交響樂團襯托下，呈現搖滾樂的另一個面貌。演唱會更邀請到許志安及Joey Tang囝囝Justin作特別嘉賓，一次過滿足樂迷幾個願望。
攝影：黃國立

交響樂Crossover搖滾樂是演唱會的主調，不過太極幾位成員各有幾手準備為大家送上驚喜，結他手Hi Fi德、鍵琴手Gary Tong及鼓手Rciky Chu平時專心演奏樂器，昨晚卻鮮有地開金口獨唱，彈得又唱得。Hi Fi德昨晚深情唱出《So Lonely》，他笑言：「呢首係太極第二隻album入面嘅歌曲，係送俾一個人嘅；不過當時覺得自己把聲好難聽，所以交俾Patrick唱。」

而Gary Tong走到鋼琴前，自彈自唱出由他所作，張國榮的金曲《怪你過份美麗》及《一生不再說別離》，就連平時見慣大場面的他也坦言很緊張。Ricky Chu放下鼓棍，拿起咪高峰走到台前，感性地說：「之前屋企發生咗啲事，令我有好大轉變，雖然好唔開心，但係有一位朋友對我不離不棄，好照顧我，大家都明嘅！」雖然他沒有指名道姓，但大家都想到是憑歌寄意送給戴夢夢，接着唱出《和太極一起走過的日子》。本來場面感人，卻被Joey Tang及雷有輝打破，兩人搞笑就道：「吖！到底佢講緊邊個朋友呢？」

感性過後到親情的一面，Joey Tang之前在專訪中提過，希望《樂與悲》前奏由一段敲擊樂展開序幕，昨晚他將構想化作現實，並將這重任交予囝囝Justin。囝囝在旁Joey Tang立刻流露出鐵漢柔情的一面。二人背貼背合奏，不時露出滿意意的笑容，又打眼色對準拍子，果然上陣不離父子兵。

太極的歌曲陪伴不少樂迷成長，是大家的集體回憶。到Encore部份，主音雷有輝高呼：「帶大家返去1985年嘉士伯流行音樂節，參賽樂隊——太極！」唱出當年參賽的歌曲《暴風紅唇》，緊接有《沉默風暴》及《紅色跑車》等搖滾作品，實行要樂迷跳到最尾。雷有輝答謝樂迷：「如果冇咗你哋，我都哋都唔會喺呢個台，亦唔會有太極，多謝你哋！」最後全場大合唱「太極校歌」《留住我吧》，樂迷亮起手機燈營成一片燈海，讓演唱會在一片浪漫的氣氛中結束。

完騷後太極在後台接受訪問，Ricky Chu被問及到底台所說的「朋友」是誰，他一臉腼腆說：「就係朋友囉，唔好咁明顯啦，好肉酸㗎！」而Joey Tang的父子檔合作，原來囝囝感到很大壓力，Joey Tang表示：「佢係忍咗啲我嘅脾氣嘅……」身旁的隊友紛紛說：「Joey Tang好惡㗎！」Joey Tang續說：「太太話嗰晚Justin係有爆喊嘅，但係我覺得佢企得上呢個台，就想佢做個好嘅表演出嚟，我事後都有同佢say sorry嘅。」另外問到，Hi Fi德囝囝亦有彈結他，下次開騷會否組一隊「太極2.0」表演，幾位成員都面露笑容，Hi Fi德表示：「指日可待嘅！Sooner or later一定會！」