【專訪．有片】太極爆做監製辛酸：有歌手一隻歌錄足50 Take呀！

太極樂隊成軍33年，將於4月舉行《太極交響狂熱演唱會》，是香港首隊與交響樂團(Symphony)合體開紅館的樂隊，能夠應付陣容如此龐大的演出，全憑多年來於幕前、幕後累積的經驗。
攝影：陳順禎

上一集專訪太極各位成員分享過擔任樂手的心態，撕下「撈嘢Band」、「魚蛋歌」的負面標籤。其實成功背後面吃過不少苦頭，才練得一身好武功，每次在台上穩打穩紮地演出。今集，太極就向大家分享一路走來的苦與樂，到底做錄音樂室樂手較辛苦，還是當監製更辛苦？

【專訪．有片】做樂手被叫「撈嘢Band」？ 太極：唔係咁容易㗎！

撞正歌手錄音50 Take剪埋做1 Take？

Hi-Fi德除了是太極樂隊的結他，他也是很多歌手的唱片監製，講起做幕後的辛酸，他笑言：「佢哋(樂手)唔算捱苦，我呢啲先叫捱苦囉！」

Hi-Fi德續說：「如果講捱苦，我哋呢啲做幕後遇着一個Artist唱歌唔好，佢要唱足50 Take，你再50 Take剪埋1 Take，你用嗰啲時間仲苦呀！」身旁的Gary Tong忍不住插嘴問：「哈哈！邊個呀？」原來他亦感同身受：「50 Take先剪埋1 Take呀？我剪嗰啲80 Take呀！」太極眾人頓時捧腹大笑，未知是否他們想到同一位歌手有共鳴呢？

音樂總監「特別」的表演方式

擔任樂手待遇有所不同是常識吧！少不免會被演唱會音樂總監出題「留難」，雷有輝就有親身經驗向大家分享。雷有輝說：「我嘅崗位係唱和音，試過3、4個和音歌手企埋一齊嗰陣，個音樂總監特別指住你話『你，自已唱嚟聽下先！嗰4個Bar唱，呢到開始唱！』嗰下壓力真係會令你呆咗。」

不過有壓力先會進步，雷有輝亦因此更有信心面對不同場合，但在旁的Joey Tang「安慰」他說：「咦！好熟喎！其實呢啲係佢咃嘅表演方式嚟，就係話俾你聽我識囉！」眾人異口同聲：「係喎！哈哈！」似乎大家都有很深體會。

其實不是每位監製都難相處，也有包容的一面，Joey Tang憶述初期入錄音室的趣事：「我覺得搵我彈嘢嘅人辛苦啲囉！好似Gary Tong搵我錄音，其實我錄音經驗好淺，啲監製搵你有時係想你爆啲新嘅Solo俾佢。有次Gary Tong同佢女朋友等咗我錄成6個鐘，其實Pro嘅可能1個鐘就搞掂。所以當時好幸福，有好多監製都肯教育下一代嘅心。」

嘩！待遇爭咁遠嘅？

盛旦華分享，做過樂手再回到太極，才發現待遇的確有分別，他說：「其實做Session有個分別就係待遇唔同囉，返到嚟太極先知有幾幸福呀！」話音未落Joey Tang就插嘴說：「依家我搵你彈嗰啲待遇都幾好㗎！」盛旦華神回覆：「冇得彈啦直程！」Joey Tang再回一句：「有人恰你咩？邊個敢恰你呀？同Gary哥講！哈哈！」幸好太極各人感情要好，即使「互窒」也一團和氣，咩叫一條心見到佢哋就知道。

「音樂經」又點會咁快講得完？太極分享過做樂手、幕後的苦與樂，當然還會為大家解構這次與管弦樂團合作的構思，原來這次是一場一圓兒時夢的演出。

想知更多記得睇埋其他兩集專訪喇！