唔怕生壞命最怕改錯名？　農夫自爆出道曾被前輩狠批「做唔起」

農夫《等錢洗世界巡迴演唱會》下月舉行，最近密密進行宣傳，並為樂迷宣布好消息，加足11月9日及14日兩場滿足樂迷，證明今次演唱會的確大收旺場。今日農夫二人接受《香港01》訪問，在直播環節中，不忘搞笑風格，表示自己等錢洗之餘，更笑說每次跟其他藝人合作出歌，也會由主打變Side Cut，可說是「藝人剋星」。

近年農夫發展順風順水，除了TVB多了亮相機會，他們跟Do姐的合作亦是令人深刻，而長年累積的音樂作品亦自成一格，令不少樂迷回味。不過農夫在直播中亦自爆初入行的辛酸：「04、05年，嗰時我哋都未有人識，有人介紹之下就認識咗一位前輩。當時佢喺媒體業內相當有名氣，咁我哋當然送隻碟畀呢位前輩啦。跟住佢話『農夫？唔係名嚟嘅』，然後順手掉低隻碟，再講『一個C君，一個陸永，呢啲都唔係名嚟嘅！』當時我同佢講『呢啲真名嚟嘅，我就叫鄭詩君，佢就叫陸永權，我哋諗住簡短啲容易稱呼。』不過嗰位前輩一聽到就已經覺得我哋冇得做，仲比咗啲好正嘅意見我哋，就係要我哋改過啲名，然後唱情歌。」農夫二人表示，其實覺得他們不行的大有人在，不過因為名稱而覺得他們「做唔起」則非常可笑。

不少網民在觀看直播的同時，也在猜想到底這位前輩是誰，而農夫二人亦對此人不願多提，只提供了一些線索，包括是「男前輩」、「十幾年前已尊稱他為前輩」、「算不上是娛樂圈中人」、「每次他支持的，大家也未必看好；每次他認為OK的，最後也不OK。」有網民猜想到底這位前輩是否譚校長或蕭若元，不過二人立刻否認，更表示：「唔係譚校長！校長對我哋好好，佢就係最古怪嗰種人。人人都覺得我哋唔得嘅時候，校長偏偏就覺得我哋得。有一次晚宴上面，佢突然同我哋講『你哋出去Rap啦』，畀咗個機會我哋。嗰時我哋都仲未有人識，佢就已經話我哋得。」不過最終二人也沒有開估，似乎這位「前輩」的身份，只有他們自己才知道。