農夫演唱會有子華神做嘉賓？　C君：好難講俾你知喎

仲有一個月就開騷喇。（Facebook圖片）

農夫事隔多年終於再開演唱會，熱烈程度實在始料不及，一開頭怕反應唔好，揀喺旺角麥花臣呢個細場開，點知啲飛賣到斷曬市，已經確定會加開兩場。見到反應咁好當然好開心喇，所以農夫都一定會努力回報粉絲，除咗會落力演出之外，可能仲有特別驚喜添喎。事關今日他們就在網上post了一張同DoDo姐加埋黃子華嘅合照，以佢哋同DoDo姐嘅關係，要請到佢撐場絕對唔難，不過可以請埋子華神，就真繫好驚喜喇！

雖然擺曬合照咁，不過又未必真系會做嘉賓，《香港01》就立即找來C君問一問，他說：「好難講俾你知喎，叫到佢嚟睇已經好榮幸，總之兩位非常幫手啦！」賣曬關子咁喎，但就算子華神唔系做嘉賓，可能只系睇嚇彩排俾嚇意見，一定令農夫兩個獲益良多喇。

農夫跟DoDo姐自從《Do姐有問題》之後，就一直都合作無間，他們的節目被觀眾認為抵死搞笑得嚟又輕鬆，完全唔做作，所以間接亦令農夫得到唔少粉絲。而子華神跟DoDo姐在《男親女愛》合作完後一直都是好好的朋友，加上農夫不只一次提及子華神是自己的偶像，可能今次出盡人情牌，請DoDo姐邀請子華神來俾嚇意見。雖然未肯定會唔會做嘉賓，不過如果真繫有呢個機會，相信唔好話系麥花臣開 6場，可能紅館開6場都爆呀！