300名代理年底飯碗恐不保　前線：成交跌到咁　唯有「咬實牙關」

樓市吹淡風，兩大地產代理龍頭──中原地產及美聯地產均透露，年底或合共裁減300名今年「無單開」的經紀。
大規模的裁員潮雖然仍在「倒數」，但前線經紀卻早已身處「水深火熱」之中。有天水圍前線代理表示，本月區內僅錄40宗住宅成交，同區地產從業員達180人，「僧多粥少」情況惡化，同事們唯有是「咬實牙關」渡過！

有經紀早著先機　提前停薪留職

天水圍是上車盤嘉湖山莊所在區域，乃樓市風向指標之一。中原地產天水圍副區域營業經理伍耀祖表示，該區本月至今僅40宗成交，全區的地產從業員約180人。伍直言，「你話點分啦，你問區區都係咁架啦！」他坦言，現在成交跌到咁底，「（同事）都無辦法，都是『咬實牙關』中渡過。」

淡市之中，經紀當然無坐以待斃，紛紛各施各法。伍坦言，已有同事提前停薪留職，當然要本身業績較好的同事，才可選擇此法；而其他同事則加緊出擊，在一手新盤上做更多功夫。伍自己則不擔心，他認為「幾年就有一次（淡市），當初金融海嘯都係咁」，相信樓市升跌也好，仍一樣有人買樓賣樓。

成交宗數雖萎縮　成交金額卻大增

利嘉閣地產天水圍區分區經理陳嘉興直言，區內成交少了許多，他透露2015年成交高峰期時，嘉湖山莊1個月可做300宗成交，但上月已縮至不到20宗，10月由於多了業主減價求售，故成交回升至20宗樓上。

2004年已入行的陳嘉興形容，目前二手樓成交情況猶如2014年底，但難以直接比較現在是否最差。他解釋，成交宗數雖然萎縮，但金額卻大了許多，以往200宗成交，由許多個經紀一齊分成，好比100元由30多人分，但在樓價與成交背馳下，現時情況卻是100元由2個人分，「我會形容以前出一分力有10倍回報，依家一分力有100倍回報，但難度就高咗好多，因為多人爭咗，情況好扭曲！」

面對競爭對手可能裁員，陳嘉興直言對行頭以至經濟影響都好大，「代理業有4萬人，裁員10%都有4000人。而且，呢行唔止代理喎！仲有律師、裝修等行業。」話雖如此，他自己相對樂觀，「做多啲嘢，努力啲，令到業主肯沽貨」。同時，他透露，自己公司亦推了一些鼓勵措施，「我地呢區如果搵到客睇新樓，又或最快促成二手成交嘅頭3位同事，都有獎金！」