八和會館主席龍貫天搞新春團拜 汪明荃唔見人：各有各忙
撰文：吳子生
出版：更新：
八和會館主席龍貫天今日（16/2）現身尖沙咀出席《香港八和會館甲辰年新春團拜。龍貫天受訪時表示：「早前喺1月份帶團去到廣州同佛山做交流團。發覺當地政府係會撥地畀佢哋起一座嘅新學院，而且喺上年11月已經落成啟用，當中佢哋係會保留舊有嘅建築之外，亦會擺咗百幾個檔位，當中有中醫同食物等，相當多選擇，令我嘆為觀止，令我係度諗香港唔知可唔可以做得到。」
被問到有否同前八和會館主席汪明荃（阿姐）拜年？龍貫天笑言：「間唔中嘅，因為而家各有各忙，我有我哋忙，但如果有機會見而嘅時候，一定會同佢講恭喜發財。（阿姐仍有畀意見？）以前就會有，但而家佢就太忙，希望有機會嘅時候再問佢啲意見。」