「鬼王」潘紹聰15年後重返新城《恐怖熱線》 爆騷錢唔及ViuTV多
撰文：吳子生
出版：更新：
「鬼王」潘紹聰今日（15/2）大年初六現身黃埔出席「新城廣播甲辰年新春團拜暨節目巡禮」。潘紹聰受訪時表示：「其實15年之後返翻嚟娘家新城電台呢度，的確係有啲感觸嘅，真係要多謝馬生（新城營運總監馬浚偉）嘅邀請，好記得嗰陣時傾係喺間房度，佢仲話如果我唔應承就出唔到呢間房，就係咁我就應承咗佢返嚟，會喺每個星期六晚開咪主持《恐怖熱線》。（重金禮聘請你返嚟？）哈哈，呢個世界就講心嘅啫，但都要講少少嘅金嘅。總算合理價啦，但唔及Viu TV咁多。」