魏秋樺單身二十多年 爆有傾得埋的對象但未敢進一步：好大責任
撰文：吳子生
出版：更新：
魏秋樺今晚（14/2）現身深水埗出席情人節活動。秋樺姐受訪時透露，自己單身二十多年，對感情沒有抱太大期望：「本有一位認識十多年好傾得埋嘅男性好朋友，但就暫時做住知己先，因為未有進一步嘅，只可以講大家好傾得埋囉。咁呢個要睇上天嘅安排，同埋睇緣分。（怕唔怕對方等唔到？）其實我就等得嘅，咁如果佢等唔到，佢再識第二個，我都會祝福佢嘅。（有咩嘢令你咁卻步？）我就覺得順其自然發展，千祈唔好免強。其實愛情都好大責任，愛情係一個奢侈品，要過五關斬六將，先至會開花結果。而開花亦要有好嘅果，就唔好開咗之後慢慢爛。」