【BB來了】點解劇本咁貼地窩心？ 全靠監製編劇堅持六個「不」
《BB來了》播映接近2星期，相信不少為人父母者對劇情都甚有共鳴，就算是一家人亦能欣賞這套合家歡小品式劇集。不得不提，原來《BB來了》首集跨平台收視已是2018年冠軍，第四集跨平台總收視更達30.2點之高。劇集的成功，除了幕前演員之外，當然幕後以及監製編劇等都功不可沒。
《BB來了》監製廖晉碩與編審黃秉怡接受《香港01》訪問。監製廖晉碩：「其實編審都係一個新手媽媽，所以咁樣一講，大家就明點解有呢個劇出嚟。」編審黃秉怡接著說：「最初我係想開陪月員故事嘅。我嗰時啱啱生完之後啲母愛好洶湧，我見到我工人為咗幫我湊BB而照顧唔到自己小朋友，我覺得好賺人熱淚。後來同公司開完會之後，就畀咗啲方針定位我，後來我就諗到新手爸媽呢樣嘢。」
《BB來了》一類劇目，在觀眾眼中，可能睇低為「冷門」，而同時又偏離了TVB劇一貫的爭產、死人冧樓、宮廷鬥爭種類。當然，事實證明了，溫馨有趣的小品劇其實大有市場。監製廖晉碩解釋道：「其實我哋套劇係想盡量做到『唔一般TVB』嘅嘢。」編審黃秉怡補充：「秉承住『不爭產、不復仇、不死人、不冧樓、不絕症、不婚外情』呢啲宗旨。其實一班編劇都好幫手，一直都keep住一方向希望令人窩心感動多過話要好Juicy。就算啲情節係虛構，但係啲情係真嘅。」
平常人以為，TVB高層會控制整個劇本走向。不難猜想，秉承「六不」的《BB來了》的編劇的壓力。不過，監製廖晉碩與編審黃秉怡就表示，從未受過任何高層壓力，更謂：創作自由度非常大，同時首次由導演勝任監製的廖晉碩更說今次成功是多得各路「英雄」幫助。「真係好多謝徐正康、珍姐睇住。因為我哋兩個都咁新，兩位都俾咗好多意見同埋幫我哋解決問題，從中又協助咗好多，今日有今嘅成績都要多謝佢哋。」編審黃秉怡：「我都要特別多謝助理經理關頌玲小姐，因為佢提醒我哋要留意媽媽group，因為媽媽group俾咗好多靈感同埋啟發咗我哋。」