【BB來了】黎諾懿教做佛系老公：老婆鍾意做乜咪由得佢囉

《BB來了》播映一星期，深得一眾媽媽力撐，昨日(20日)一眾演員出席祝捷活動，首集29.3收視，首週30.2、暫時是全年首集收視冠軍，成績非常之好，而黎諾懿亦表示太太亦覺得好睇。

黎諾懿在劇中演飾李佳芯（Ali）老公，因為湊仔問題而糾結在婆媳之間，進退兩難局面。在劇中Ali與黎諾懿急不及代去了時鐘酒店，Ali著穿粉紅色喱士吊帶背心，誘惑動人一幕，甚為吸睛。諾懿笑言：「Ali作為一個師奶着嗰套衫好合情合理,Ali已經超出係戲裏面嘅底線,我又覺得好開心嘅套劇咁成功，真係要多謝Ali,我哋本身唔認識，係拍呢套劇先認識大家，因為佢嘅性格好大開大合，令到我好信任佢，佢又好信任我，令到戲中呢對兩公婆有好多火花，拍呢場戲大家都冇尷尬，出嚟效果比預期好，所有野都配合。」老婆有冇睇呢場戲？諾懿笑言：「我老婆早睇過我，老婆知我拍戲嘅，得閒開張支票俾佢，就知我做嘢辛苦啦。」

已為人父的黎諾懿，原來現實中都會因湊小朋友同老婆有拗撬。談到同老婆相處之道、更即刻馬壯上身「各位，我同老婆係有拗撬嘅，不過係到奉勸大家，到最後都係男人都會輸，無謂作無謂嘅犧牲喇，女人有時鍾意想得咪由得佢囉，無乜所謂嘅，喺側面配合下，ok架喇，所以我會採取一個唔參與嘅態度，佢講乜我做乜呢個政策，係非常之好嘅，同埋好似讀書咁啦，我企圖想加把咀，老婆就會講，『老公你無乜讀過書，不如你同個仔玩得架喇!』我覺得ok啦，大家都好清楚大家嘅路，咪由得老婆攪啦，老婆鍾意嘅，我咪全力支持囉!」黎諾懿這種佛系老公，大家真係要學習下喇。

黎諾懿想起當時自己太太告知懷孕時情境，還歷歷在目。「有日老婆鬼鬼鼠鼠叫我坐埋嚟，就同我講「你做爸爸啦」還告知預產期，嗰一刻係度諗咪生唔到個生肖屬猴嘅BB~老婆話係呀，我第一個反應雞嚟嗰喎，老婆話：「唔好咩」，到依家都仲記得當日情境係開心嘅。」