【港女講感情】吳浩康生性話要做乖仔 女人信男人承諾真係太傻豬
撰文：李妍樺
出版：更新：
近期演唱會特別多，依家除咗紅館之外，仲有多咗九展同麥花臣俾歌手開演唱會，12月份幾乎隔日就有Show開，好多以前冇機會開騷嘅歌手出晒嚟，好似樂壇小強E-kids咁，就連話要返大陸搵食嘅側田都回歸。但近幾日最有話題性嘅應該就係吳浩康喇，開騷前先話有朋友留200張飛走數，話可能要倒貼十幾萬數，係咪宣傳嚟㗎？消息一出之後好快就散晒貨，演唱會期間阿Deep喊咗幾次，多謝完老闆楊生，又話想做個合格嘅仔畀老豆睇。
+8
What？合格嘅仔？原文係：「我咁多年去不斷堅持努力，都只係想做一個合格嘅仔，我想做一個似樣嘅人。」Sorry，你話你咁多年努力唱歌都有說服力啲啊，但依家玩浪子回頭就真係No囉！入行冇耐被大家讚佢係Eason接班人，以為佢前途無可限量，點知就被警察周到佢銀包有可卡因，之後形象就開始插水喇。事業失意嘅佢情場就相當得意，依家嘅大台視后胡定欣係阿Deep嘅前度，被人發現佢藏毒都冇分手，反而係阿Deep搭上咗莊思敏而飛咗定欣，真係聽到都嬲。
+5
【港女講感情】余文樂王棠云拍拖一年閃電結婚 Timing真係好重要【港女講感情】農夫氹Do姐笑到肚痛 人生有個搞笑朋友的確好極【港女講感情】靚仔壞男人已失叫座力 天然呆馬國明先係最佳男友【港女講感情】Stephy分手後變自立 如果女友仲要依靠你應該感恩【港女講感情】言承旭林志玲世紀復合 兜兜轉轉只有一位難以代替【港女講感情】宋宋結婚好幸福 其實姊弟戀又有乜好怕
仲未完啊，莊思敏之後仲有鍾舒漫，當大家都以為浪子終於回頭，生性定落嚟同Sherman拉埋天窗，點知就被媒體捕到佢瘋狂媾女，仲有圖有真相影到佢又拖又錫其他女仔，唔通真係十個男人九個滾，女人就要認命？每個女仔都想做浪子最後一個，但可惜都太傻太天真，「一次不忠，百次不用」，如果個男仔有出軌前科，拍拖前真係要考慮清楚，「劈腿」係冇得根治，佢被你捉到嘅時候，可能之前已經唔知有出咗幾多次軌，就算佢之後誓神劈願話改過，之後嘅日子你都會擔驚受怕。出軌一次都嫌多，千祈唔好信男人會改過，認真你就輸鳥！