【壹號皇庭】黎耀祥四輯都有份做大茄　視帝：有工開有發揮仲想點

深宵重播《壹號皇庭》越來越多fans，除了劇情外，有不少細位都有人留意，其中一樣就是有些藝員老是常出現，當中最搶鏡的就是黎耀祥，25年前當時大約29歲的祥哥，仍然未上位捱緊做閒角，當然他有通告就接。眼利的觀眾應該發現，《壹號皇庭》系列暫時重播了的四輯，祥哥都出現了四次，第一輯毆打疑犯，第二輯撞車人不顧而去，第三輯演殺妻犯，第四輯律師樓職員但智商有問題，其實都幾考演技。

雖然祥哥經常出現，但網友都大讚他表演出色，祥哥原來都好回味以前的日子，他說：「以前有通告就做架喇，我好多謝監製、導演俾機會，每個角色都有發揮，嗰陣有工就開㗎啦，好多工作，係好開心㗎，尤其呢套劇集，當時唔難捱㗎，因為都冇成績，冇地位、感覺都冇，有工就開㗎喇，邊仲諗咁多？啲角色仲要有發揮，仲想點？我就冇睇重播，但以前我都會揾錄影機錄返。」視帝真係要用努力捱出嚟㗎！