【壹號皇庭】每集佔一半系法庭戲 原來為慳錢去餐廳拍實景

撰文:林通賢
出版:更新:

《壹號皇庭》今晚重播到第四輯,如果有追開的話,不難發現每集都有法庭戲,律師劇有法庭戲,好正常,但其實每集都有一半以上,是監製鄧特希刻意安排的,原來和外景製作費有關,想不到金牌監製都要面對這個問題,鄧特希接受《香港01》訪問,重提當年往事,他說:「如果大家有留意,以前TVB拍餐廳戲,啲餐廳好假,因為喺廠度搭,但我拍嘅系律師戲,我哋當年做過資料蒐集,律師鐘意去一啲美式餐廳或者蘭桂芳酒吧,其中一間系尖沙咀Dan Ryan's,呢啲好難喺廠搭,搭出嚟都唔似,所以以出面俾錢借場拍,但呢啲餐廳租一次,當時都要太慨成千蚊兩個鍾,我哋咁多場戲,其實都唔平,加埋我想多啲外景,因為實景多,套劇質感就好好多,所以就要喺一啲地方諗計慳一啲外景費出嚟.....」
而慳錢方法就是每集都有一個重戲主景,那就可以既方便又快捷又慳到錢,鄧特希說:「以前無線嘅劇集,法庭戲好少㗎,《壹號皇庭》之後呢,相對系多咗,我其實差唔多每集有一半系法庭戲,呢個系我安排,同埋法庭戲三機拍攝其實好快,時間慳咗,我搭景錢又慳好多,咁我就可以拍多啲外景喇。」所以在無線當監製真的不容易,除了要度劇本,還要諗計慳錢,少啲腦汁都頂唔住。
+3