陳百祥譚詠麟球隊分家傳鬧不和　關禮傑驚青唔敢過檔：校長話事

關禮傑和愛女關楓馨今日（7/12）齊齊現身將軍澳電視城出席《歡樂滿東華》項目綵排。關楓馨接受《香港01》訪問時透露今次為《東華》節目站台夥拍陳百祥、汪明荃做司儀心情興奮，亦大爆父親關禮傑艷福無邊，孖朱晨麗（朱朱）台上表演共舞。關禮傑笑說：「今次監製特登安排呢個項目俾我，當中我要同『舞后』朱朱跳舞，我要跳牛仔同華爾滋舞，其實對我嚟講都幾大挑戰，當中係要花好多時間去練。不過好彩自己有踢開波，變咗體能上邊都應付到。」

對於一直盛傳陳百祥與譚詠麟「分家」鬧不和，問到會否充當和事佬化解衝突？關禮傑面露尷尬表示：「其實佢哋冇不和，佢哋有食飯，又去生日會，佢哋係好朋友嚟，而且大家係一家人嚟。（阿麟冇出席阿叻生日會！）阿叻哥擺成個月生日會，梗會有唔同朋友。（幾耐冇同阿麟踢波，阿叻唔俾你同佢踢？）唔係，上次有踢，不過因為隻腳要休息，同埋嚟近要排舞，變咗而家暫時唔踢得住。（你而家球隊歸阿叻定阿麟？）我哋都好Open嘅，都係校長（阿麟）話事。」