聲夢小花入行2年冇工開 靠儲蓄做兼職撐住：好迷惘
撰文：吳子生
出版：更新：
現年29歲的江廷慧（Vivian）在2年前毅然從加拿大辭去攝影師工作返港，參加無綫選秀節目《聲夢傳奇2》 ，雖然最終落敗，但她未有放棄，決定留港發展歌唱事業，追尋另一遍天。經過3年多工作量不多的日子，近年憑「PlanV」 組合為歌唱事業迎來曙光，令Vivian打下一支強心針。
Vivian今日（6/12）現身電視城出席《歡樂滿東華2024》項目排練。提起決定留港發展歌唱事業，Vivian接《香港01》訪問直言曾經想放棄：「我記得初初入行嘅時候，自己係充滿希望，諗返起比賽嘅時候冇自己嘅耳機，就用自己嘅積蓄買咗個3千幾蚊嘅耳機送俾自己，諗住之後會用得到，點知頭兩年幾嘅時候係冇嘢做，嗰段時間好迷惘，好似望唔到前景咁，我望住個耳機問自己係咪要返加拿大，加上當時媽咪都有勸我不如搵份正職做，當時心情係好煎熬 。經過一輪掙扎之後，我就同自己講再俾啲時間自己，於是我就幫返加拿舊公司做兼職到而家，而家收入唔多，唯有慳住用，變咗而家可以繼續做自己想做嘅音樂。同埋而家組成咗PlanV 之後，我部耳機係用得返，我係好安慰同好開心。」