陳百祥親揭與譚詠麟不和始末　唔再稱呼對方做譚生關係回暖？

陳百祥（阿叻）日前大搞Party慶祝75歲生日，多位圈中好友都有出席，但校長同曾志偉就未有現身，令不和傳聞甚囂塵上。今日（7/12）阿叻現身將軍澳電視城出席《歡樂滿東華》項目綵排。就不和傳聞接受《香港01》訪問。

阿叻表示：「其實兩位我都有請佢哋嚟，志偉唔嚟，我唔知咩原因，亦都冇問佢仲咩唔嚟。不過我就隨意而安，佢得閒就嚟，可能佢唔係香港。（佢哋兩個都有送上祝福？）佢哋兩個都有俾短訊我，阿麟都有同我講生日快樂，而阿麟我知佢唔舒服，同埋佢話佢唔喺香港，呢啲佢都有講畀我知。（阿麟有咩唔舒服？）佢有咩唔舒服，佢演唱會都取消咗。（會唔會因為你個心唔舒服？）我同佢嘅關係一啲都冇唔舒服，不知幾開心。就算我哋拆咗兩隊波之後，我喺佢嘅生日會度不知幾開心，仲一齊嘻嘻哈哈，大家關係絕對冇問題。」