萬千星輝2024｜林正峰入行7年 獲提名3個獎項：希望可以攞到
撰文：吳子生
出版：更新：
無綫力捧小生林正峰今日（7/12）現身將軍澳電視城出席《歡樂滿東華》項目綵排。對於在《萬千星輝頒獎典禮2024》分別獲提名「最佳男配角」、「飛躍進步男藝員」及「最佳男主持」三個獎項。林正峰接受《香港01》訪問時表示：「其實當知道咗入圍《最佳男配角》係好突然同好驚喜，因為我一直都冇提名過，咁所以覺得有提名已經好關心。咁反而《飛躍》我已經陪跑咗4至5年，咁所以好希望可以攞到呢個獎，咁當然如果攞唔到，我係會再努力，希望直到有一日得到大家嘅認同為止。」