朱智賢自爆同謝東閔工作有拗撬 不滿跟男友學唱歌：真心唔鍾意
撰文：吳子生
出版：更新：
朱智賢（朱朱）昨晚（31/8）現身將軍澳出席活動。提到男友謝東閔離巢無綫，問到會否情侶檔搵真銀？朱朱在接受《香港01》訪問時表示：「其實我哋又唔介意嘅，如果有客戶搵我哋一齊做嘢，我哋都可以㗎。而最近我啲片都係由佢負責揸機拍嘅，佢係充當攝影師嘅工作，不過我就冇人工畀佢㗎，因為我哋唔講錢，我哋係好踏實。」
問到二人一起工作時會不會有拗撬時，朱朱笑言：「其實你講得啱呀，真係唔好一齊做嘢，因為每個人做嘢都會係唔同嘅，就好似咁，我就唔鍾意佢做我唱歌老師，而我最近有商演我都係自己搵第二個歌唱老師學，佢已經教咗我好多年，真心唔鍾意佢教我，因為我會鬧返佢轉頭，哈哈。」