紮職3｜陶大宇喜見電影有好成績 放下心頭大石：驚會拖累咗佢哋
撰文：吳子生
出版：更新：
陶大宇今晚（31/8）現身將軍澳出席活動，他在接受《香港01》訪問時透露現在多數中港兩邊走，最近更為電影《紮職3》忙於宣傳：「聽日我都要一連串去好多間戲院去謝票，再遲吓又要返內地宣傳呢部戲，因為內地都籌備上映，集齊晒啲師兄弟一齊上去做嘢，都會比較忙啲。」
陶大宇講到參演電影《紮職3》原來都承受很大壓力：「開頭拍呢套戲嘅時候我都有啲擔心，因為呢套電影之前已經拍咗兩輯，已經有晒基礎，到我而家插入我怕自己接唔到棒，驚會拖累咗佢哋，但幸好由首映到而家上映，聽到返嚟嘅口碑都好好，令我放下心頭大石。」