羅霖遭親人質疑兒子血緣做親子鑒定感痛心：傷害到屋企人多過自己

「凍齡美魔女」羅霖早前在港台節目《她•他．它》訪問時，大爆與前夫劉坤銘 18年婚姻中的隱痛。指曾遭親人質疑兒子「血緣關係」而要進行親子鑒定。同時亦談及「嫁入豪門」經歷，並指當年母親主動提出不要任何禮金，是為免遭人「指指點點」批評為貪圖錢財。

今日（28/9）羅霖現身大埔亞視總台出席「第35屆亞洲小姐競選全球大賽暨香港區」啟動禮。就事件接受《香港01》訪問時表示：「本身我都唔想再提呢件事，係因為陳淑蘭佢識得我前夫嗰邊啲朋友，就知道當中好多事情，變咗佢就問我係咪有呢件事情呢？咁我就話係。因為我哋出身小康之家，唔想對方覺得娛樂圈嘅女仔貪慕虛榮，咁所以我媽咪就提出話唔需要禮金。（當時夫家準備咗禮金未？）其實未準備，我哋已經一早同佢哋表達咗唔需要禮金。（要你驗DNA會唔會對你嚟講係一種傷害？）其實係傷害到我屋人多過我自己，因為我係背負咗我屋企人嘅名譽，所以我必須要去做驗DNA呢樣嘢，表明我清白，亦令到我Daddy媽咪得到一份尊重。」